#КУДЫПАЙСЦІ

Зрабілі для вас падборку імпрэзаў, якія варта наведаць на выходных і бліжэйшым тыдн🔥

🍁 Завітайце на выставу "Бліжэй да неба" мастачкі Юліі Невейкі і Ксеніі Місан-Быстровай. Тут міфалагічныя сюжэты і фантазійныя вобразы разам з рэалістычнымі нацюрмортамі і пейзажамі. Кожны твор прымушае спыніцца і падумаць пра сэнсы жыцця, сувязь паміж вонкавым і ўнутраным.

🍁 Паглядзіце на "Мастацтва жывога агню". Экспазіцыя адлюстроўвае сучаснае керамічнае мастацтва творцаў з Беларусі, Расіі, Казахстана, Малдовы, Егіпта і Турцыі. Тут бачная разнастайнасць тэхналагічных працэсаў, шырокі дыяпазон пластычных уласцівасцяў гліністых матэрыялаў, рэльефных, фактурных, каляровых, графічных спосабаў апрацоўкі паверхні дэкаратыўных форм і спалучэнне розных спосабаў абпалу.

🍁 8 лістапада а 14-й наведайце канцэрт "Дзень піяніста ў Мастацкім". Імпрэзу падрыхтавала беларуская піяністка Вольга Запольская разам з Кірылам Вашчанкам. Натхніцеся вядомымі фартэпіяннымі п'есамі П. Чайкоўскага, Ф. Шуберта, Ф. Шапэна, а таксама – транскрыпцыямі рамансаў С. Рахманінава і аркестравых твораў Л. ван Бетховена.

🍁 12 лістапада 18:00 наведайце экскурсію Ірыны Лампе "Сімвалы Японіі - ёкаі".
Калі адбываецца нешта дрэннае з чалавекам, японцы кажуць: "Гэта екай мяне прымусіў…". Калі вас пераследуюць няўдачы, то японцы кажуць: "Мяне пераследуе злы дух…". Лектарка прапануе сваю пяцёрку самых страшных і жахлівых дэманаў, класіфікуючы іх. Раскажа якімі бываюць духі і прывіды і каго варта палохацца, абяцаюць арганізатары. Патрэбная рэгістрацыя.

Файных выходных!