Samarqand viloyati IIB JXX YHXB I Rasmiy kanal

Samarqand viloyati IIB JXX YHXB boshlig‘i o‘rinbosari tomonidan besh va undan ortiq qo‘pol yo‘l harakati qoidabuzarliklarini sodir etgan haydovchilar ishtirokida tanqidiy muhokama yig‘ilishlari o‘tkazilmoqda.

Tadbirlar davomida haydovchilar tomonidan sodir etilgan qoidabuzarliklar atroflicha tahlil qilinib, ularning ayanchli oqibatlari hamda yo‘l-transport hodisalarining oldini olish masalalariga alohida e’tibor qaratilmoqda.

Ishtirokchilarga yo‘l harakati qoidalariga qat’iy rioya etish, harakat davomida mas’uliyat va hushyorlikni oshirish zarurligi yuzasidan tushuntirishlar berilmoqda.

Mazkur profilaktik tadbirlarning asosiy maqsadi yo‘llarda harakat xavfsizligini ta’minlash, qoidabuzarliklar sonini kamaytirish hamda yo‘l-transport hodisalarining oldini olishdan iborat.

https://t.me/samyhxb

🚸 Samarqand shahridagi 80-umumta’lim maktabida yo‘l harakati xavfsizligiga bag‘ishlangan targ‘ibot tadbiri o‘tkazildi.

🎓 Tadbir davomida o‘quvchilarga yo‘l harakati qoidalariga rioya qilish, yo‘llarda xavfsiz harakatlanish hamda yo‘l-transport hodisalarining oldini olish bo‘yicha tushuntirishlar berildi.

⚠️ Shuningdek, o‘quvchilarga piyodalar uchun belgilangan joylardan foydalanish, svetofor talablariga amal qilish va yo‘l harakati ishtirokchisi sifatida doimo ehtiyotkor bo‘lish zarurligi uqtirildi.

Bolalar xavfsizligi — barchamizning mas’uliyatimiz! 🚦

https://t.me/samyhxb

🚦 YO‘L HARAKATI XAVFSIZLIGI YO‘LIDA NAVBATDAGI AMALIY ISHLAR

Yo‘l harakati ishtirokchilari uchun qulay va xavfsiz sharoitlar yaratish, yo‘l-transport hodisalarining oldini olish hamda harakatni tartibga solish maqsadida joylarda yangi yo‘l belgilari va yo‘l ko‘rsatkichlarini o‘rnatish ishlari olib borilmoqda.

Mazkur ishlar doirasida haydovchi va piyodalarning yo‘llarda xavfsiz harakatlanishini ta’minlash, yo‘nalishlar bo‘yicha aniq ma’lumot berish hamda yo‘l harakati qoidalariga rioya etilishi uchun zarur sharoitlarni yaratishga alohida e’tibor qaratilmoqda.

Yo‘l infratuzilmasini takomillashtirish va harakat xavfsizligini oshirishga qaratilgan bu kabi amaliy ishlar izchil davom ettirilmoqda.

⚠️ Barcha yo‘l harakati ishtirokchilaridan o‘rnatilgan yo‘l belgilari talablariga qat’iy rioya etishlarini so‘raymiz.

https://t.me/samyhxb