Hududda innovatsion ekotizimni rivojlantirish, yoshlar va tadbirkorlarning startap tashabbuslarini qo‘llab-quvvatlash hamda biznes boshqaruvi sohasida malakali kadrlarni tayyorlash maqsadida muhim qadam tashlandi.
Jumladan, Samarqand viloyati Innovatsion rivojlanish bo‘linmasi hamda O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi Samarqand viloyati hududiy filiali o‘rtasida ikki tomonlama Hamkorlik memorandumi imzolandi.
📌 Memorandum doirasida qanday yo‘nalishlar belgilandi?
🔹Biznes va startap ta’limi: Yoshlar, yangi boshlovchi tadbirkorlar va innovatorlar uchun biznes-rejalar tuzish, loyihalarni moliyalashtirish mexanizmlari hamda zamonaviy marketing bo‘yicha qo‘shma o‘quv kurslari va mahorat darslarini tashkil etish;
🔹Innovatsiyalarni tijoratlashtirish: Hududdagi ilmiy ishlanmalar va innovatsion mahsulotlarni bozorga olib chiqish, ularning moliyaviy barqarorligini ta’minlashda ekspertlik ko‘magini ko‘rsatish;
🔹Qo‘shma loyiha va tadbirlar: Hududiy startap tanlovlari, biznes-forumlar, xakatonga o‘xshash amaliy dasturlarni hamkorlikda o‘tkazish;
🔹Malaka oshirish va tajriba almashish: Ilm-fan, ta’lim va ishlab chiqarish integratsiyasini kuchaytirish yuzasidan o‘zaro tajriba va axborot almashinuvini yo‘lga qo‘yish.
↗️ Mazkur hamkorlik viloyatimizda intellektual salohiyatni biznes bilan bog‘lash, startap loyihalarni amaliyotga tez va samarali tatbiq etishda yangi imkoniyatlar eshigini ochadi.
🕊Bizni kuzatib boring!