Raqamli san’at ijodiy birlashmasi va Toshkent noshirlik-matbaa texnikumi o‘rtasida hamkorlik yo‘lga qo‘yildi

Hamkorlikning asosiy maqsadi texnikum o‘quvchilarini zamonaviy kasbiy muhitga yaqinlashtirish, sun’iy intellekt bo‘yicha savodxonligini oshirish hamda ularning amaliy ko‘nikmalarini rivojlantirish.

Memorandum doirasida texnikum o‘quvchilari uchun birlashma va uning tarkibiy bo‘linmalarida ishlab chiqarish amaliyotlarini tashkil etish, Raqamli san’at mutaxassislari ishtirokida seminar, trening, ochiq dars va mahorat mashg‘ulotlarini o‘tkazish rejalashtirilgan.

Shuningdek, sun’iy intellekt savodxonligini oshirishga qaratilgan o‘quv va targ‘ibot tadbirlari, qo‘shma ilmiy-amaliy konferensiyalar, davra suhbatlari va forumlar tashkil etiladi. Ta’lim jarayoniga esa sun’iy intelektI amaliyoti bilan bog‘liq zamonaviy tajribalarni joriy etish ko‘zda tutilgan.

Hamkorlikning yana bir muhim yo‘nalishi iqtidorli o‘quvchilarning kasbiy rivojlanishini qo‘llab-quvvatlash va istiqbolli bitiruvchilarni ish bilan ta’minlash bo‘yicha hamkorlik qilish.

Bu kelishuv ta’lim va real amaliyot o‘rtasidagi masofani qisqartirib, yoshlarning zamonaviy texnologiyalar bilan ishlash ko‘nikmalarini rivojlantirishga xizmat qiladi.