Rasul Kusherbayev

❗️Тошкентда бугун кечқурун ҳаво сифати ёмонлашиши мумкин

Бугун, 22 сентябрь соат 21:00 дан 23 сентябрь 04:00 гача пойтахтда ҳарорат инверсияси кузатилиши кутилмоқда.

Шамол тезлиги айрим соатларда 0,5–1 м/с гача пасайиши ва ҳавонинг вертикал аралашуви секинлашиши натижасида PM2.5 ва PM10 заррачалари ерга яқин қатламда тўпланиши мумкин.

📉 Прогнозларга кўра, соат 22:00–01:00 оралиғида ҳаво сифати сезгир гуруҳлар учун носоғлом даражагача ёмонлашиши эҳтимоли бор.

Шу сабабли кечки вақтларда очиқ ҳавода узоқ вақт бўлмаслик тавсия этилади.

Эрталаб инверсия заифлашиб, ҳаво сифати аста-секин яхшиланиши кутилмоқда.

👉 @r_kusherbayev

❗️Ҳарбий прокуратура Ташановга 15 млн сўм тўлайди

Инсон ҳуқуқлари «Эзгулик» жамияти раиси Абдураҳмон Ташановнинг Ҳарбий прокуратура, собиқ ҳарбий прокурор Отабек Холбоев ва терговчи Тимур Муҳитдиновга қарши даъвоси Миробод тумани судида кўриб чиқилди.

Суд Ташановнинг шаън, қадр-қиммат ва зарарни қоплаш бўйича даъвосини қисман қаноатлантирди.

Қарорга кўра, Ҳарбий прокуратурадан унга 5 млн сўм — маънавий зарар ва 10 млн сўм — моддий зарар ундириладиган бўлди.

Ҳарбий прокуратура шу йил баҳорида Ташановни интернетда ёлғон хабар тарқатишда айблаб, ноҳақ маъмурий жавобгарликка тортганди. Миробод жиноий уни суди оқлади. Шундан сўнг Ташанов ўзини ноҳақ айблаб судга чиқаргани учун уларни судга берган.

👉 @r_kusherbayev

Ушбу кўрсатув ҳам бу чиқишдан кейин эфирдан олиб ташланмаса бўлгани...

👉 @r_kusherbayev

Ipoteka bank ўтказмалар учун комиссияни бекор қилди

Ота-онага пул жўнатиш, дўстларга ёрдам ёки бошқа банкдаги ўз картангизга пул ташлаш – бундай ўтказмаларни кунда амалга оширамиз. Ва, албатта, ортиқча харажатларни истамаймиз.
31 октябргача Ipoteka Mobile’да банк карталарига 0% комиссия билан пул ўтказиш мумкин бўлади.
Лимит— ойига 10 млн сўмгача.

Шу даврда мижозлар учун фойдали валюта айрибошлаш курси амал қилади.
Агар пул ўтказишни ёки валюта айрибошлашни режалаштирган бўлсангиз – ҳозир таклифдан фойдаланишнинг айни вақти.

Акциянинг батафсил шартлари, амалдаги лимит ва долзарб курс – Ipoteka Mobile иловасида.

Реклама

Pekindagi tashrifimizning ikkinchi kunida “Sinxua” axborot agentligi Xitoy iqtisodiy axborot xizmati (CEIS) raisi Pan Xaypin bilan uchrashdik.

Ikki davlat hamkorligi jarayonida ishbilarmon doiralarga yurtimizdagi mavjud salohiyatni toʻgʻri va xolis yoritib berish mediadan katta mas’uliyat talab qiladi.

Shu maʼnoda, “Sinxua Ipak yo‘li” platformasi orqali O‘zbekistonning iqtisodiy va investitsiyaviy salohiyatini xalqaro auditoriyaga tanitish imkoniyatlarini muhokama qildik. Assotsiatsiyaga a’zo OAV uchun professional aloqalarni kengaytirish, jurnalistlar va ekspertlar almashinuvi hamda qo‘shma loyihalar boʻyicha fikrlashdik.

Xitoylik hamkorlarimizning takliflarimizga qiziqishini qadrlaymiz. Bu muloqotni oʻzaro manfaatli, amaliy hamkorlikka aylantirishdan manfaatdormiz.

Odiljon Tojiyev

❗️Банк ходими мижозини ўлдириб, 18 йилга қамалди

Банкка автокредит расмийлаштириш учун келган мижозни қасддан ўлдирган банк ходими суд ҳукми билан 18 йилга озодликдан маҳрум этилди.

Маълум қилинишича, у мижознинг ёнидаги 5,7 минг долларга кўз тикиб, уни овлоқ жойда ўлдирган. Шундан сўнг марҳумнинг жасадини автомобиль ичига жойлаб, кечгача ишлаган ва кечқурун Фарғона каналига ташлаб юборган.

Жасад 6 кундан кейин топилган.

⚖️ Суд банк ходимини қасддан одам ўлдиришда айбдор деб топиб, 18 йиллик қамоқ жазоси тайинлаган.

👉 @r_kusherbayev

❗️Мудофаа вазирига янги ўринбосарлар тайинланди

Қаҳрамонжон Зоидов — мудофаа вазирининг қуролланиш ва қуроллантириш бўйича ўринбосари;
Жаҳонгир Муратов — мудофаа вазирининг комплаенс ва коррупцияга қарши ички назорат бўйича ўринбосари этиб тайинланди.

👉 @r_kusherbayev

❗️Пора олгани учун аввал қамалган ЙПХ ходими яна пора билан ушланиб, 5 йилга қамалди

Сурхондарёда муқаддам пора олишда айбланиб, кейин оқланган ва хизматга тикланган ЙПХ ходими яна пора олишда айбдор деб топилди.

У Бойсун туманидаги ЙПХ масканида пахта ортилган юк машиналарини тўхтатиб, ҳар бирини ўтказиб юбориш учун 100 минг сўмдан пул талаб қилган.

Тезкор тадбирда ходим 41 та машина учун талаб қилинган 4,1 млн сўмнинг 4 млн сўмини олган вақтида ушланган.

Маълум қилинишича, у 2014 йилда ҳам пора олишда айбланиб, 6 йилга қамалган, аммо 2022 йилда Олий суд қарори билан оқланган ва хизматга тикланган.

⚖️ Суд унга 5 йил озодликдан маҳрум қилиш ҳамда 2 йилга ички ишлар органларида ишлаш ҳуқуқидан маҳрум қилиш жазосини тайинлаган. Апелляция суди ҳукмни ўзгаришсиз қолдирган.

👉 @r_kusherbayev

❗️Қирғизистонда болаларга ижтимоий тармоқлар чекланмоқда

Қирғизистонда вояга етмаганларга ижтимоий тармоқлардан фойдаланишни тақиқлаш масаласи кўриб чиқилмоқда.

Таълим вазири Догдуркул Кендирбаева болалар ижтимоий тармоқлардан назоратсиз фойдаланаётгани ва улар қандай ахборот олаётганини назорат қилиш қийинлигини айтди.

Вазирнинг таъкидлашича, айрим давлатларда бу борада чекловлар жорий этилган. Қирғизистонда эса ҳозирча масала муҳокама босқичида.

☝️Бизда ҳам болалаларга ижтимоий тармоқларни тақиқлаш масаласини қонун даражада кўриб чиқиш вақти келди.

👉 @r_kusherbayev

Қурилиш ва уй-жой коммунал хўжалиги вазирлиги кўп қаватли уйларни куз-қиш мавсумига тайёрлаш бўйича жамоатчилик назоратини йўлга қўйди.

Вазирлик томонидан кўп қаватли уй-жой фондини мавсумга тайёрлаш ишлари назоратга олинган. Агар бошқарув органлари (БСК, ширкат, ўз-ўзини бошқариш органлари) томонидан тайёргарликда сусткашлик ёки ҳаракатсизлик кузатилаётган бўлса, фуқаролардан тезкор чора кўриш учун маълумот тақдим этиш сўралди.

Асослантирувчи маълумотлар (манзил, фото-видео) қуйидаги алоқа каналлари орқали қабул қилинади:
• Телеграм: @Zukhraergasheva
• Телефон: +998 (90) 900-92-10

👉 @r_kusherbayev

Саида Мирзиёева Нью-Йоркда БМТ раҳбари билан нималарни муҳокама қилди?

Нью-Йоркда БМТ Бош Ассамблеясининг 81-сессияси доирасида Президент Администрацияси раҳбари Саида Мирзиёева БМТ Бош котиби Антониу Гутерриш билан учрашди.

Учрашувда Ўзбекистон ва БМТ ўртасидаги ҳамкорликнинг муҳим йўналишлари ҳамда уларни янада ривожлантириш масалалари муҳокама қилинди.

Саида Мирзиёева халқаро муносабатлар учун мураккаб бўлган ҳозирги даврда БМТнинг глобал миқёсдаги етакчилик ролини алоҳида қайд этди.

Шунингдек, у Антониу Гутерришга хавфсизликнинг асосий йўналишларида Ўзбекистонни қўллаб-қувватлаб келаётгани учун миннатдорлик билдирди.

Манба

👉 @r_kusherbayev

❗️Иш жойидаги тазйиқ ва зўравонлик бўйича онлайн мурожаат портали ишга туширилади

Президентнинг 2026 йил 21 сентябрдаги ПҚ–345-сон қарорига мувофиқ, Ўзбекистонда хавфсиз ва ҳурматга асосланган иш муҳитини таъминлаш дастури босқичма-босқич жорий этилади.

💻 1 декабрга қадар давлат органлари ва ташкилотлари учун махсус ахборот портали ишга туширилади. У орқали иш жойидаги тазйиқ ва зўравонлик ҳолатлари бўйича онлайн мурожаат юбориш мумкин бўлади.

Мансабдор шахс ёки масъул ходимга оид мурожаатлар автоматик равишда юқори турувчи инстанцияга юборилади.

Агар ҳолатда маъмурий ҳуқуқбузарлик ёки жиноят аломатлари аниқланса, мурожаат «112» орқали ваколатли органга юборилади.

👉 @r_kusherbayev

❗️Бухоронинг тарихий қисмида электросамокат ва электроскутерлар чекланади

2026 йил 1 октябрдан Бухоро шаҳрининг тарихий ҳудудида электроскутер, электросамокат ва айрим бошқа транспорт воситаларида ҳаракатланишга чеклов жорий этилади.

📍 Чеклов Арк қўрғонидан Пойи Калон, Ҳақиқат кўчаси орқали Лаби ҳовузгача бўлган ҳудудда амал қилади.

Шунингдек, бу ерда рикша, мопед, тўрт ғилдиракли велосипед, картинг, от ва туяда ҳаракатланиш ҳам чекланади.

👉 @r_kusherbayev

Ўзбекистон шахматчилари амалдаги чемпионларни таслим қилди!

46-Бутунжаҳон шахмат олимпиадасида марказий тўқнашув ўзбекистонликларнинг ғалабаси билан якунланди. Ўзбекистон - Ҳиндистон — 2,5:1,5.

Ҳал қилувчи очкони Нодирбек Ёқуббоев қўлга киритди, қолган гроссмейстерларимиз (Абдусатторов, Синдоров, Воҳидов) дунёнинг энг кучли шахматчилари, жумладан амалдаги жаҳон чемпиони Гукеш билан дуранг қайд этди.

Бу ғалабадан сўнг Ўзбекистон терма жамоаси 12 очко билан Олимпиаданинг якка пешқадамига айланди.

👉 @r_kusherbayev