3️⃣➡️«qayta unutmaydigan bo‘lib»

Buning esa iloji yo‘q. Payg‘ambarimiz 💚: « Qurʼonni mahkam ushlab (takror qilib) turinglar, chunki u bog‘langan tuyadan ham qochqoqdir», deganlar.

Ustozlar:« Shu hadisdan bandaning xotirasida Qurʼon saqlanib turishi uchun Alloh rozi bo‘lgan yo‘l takror yo‘li ekani bilinadi», deydilar.

Takror qilsangiz, esingizda turadi.
Bo‘lmasa kishi bilmas esingizdan chiqib ketadi.

2016-yilda murattab qori bo‘lgan odam 2026-yilda unday bo‘lmasligi mumkin.

Bu oradagi yillarda takror axloqi va odati qanday bo‘lganiga bog‘liq.

➡️«bir soatda oltita xatm»

Xatm qilish — Fotihadan Nas surasigacha arabiy Qurʼonni joiz bo‘lgan tezliklardan birida o‘qib chiqish ekanini hisobga olsak,

Qiroat harfning maxrajdan chiqishi va odam o‘zi eshitadigan darajada ovoz bilan o‘qishi ekanini hisobga olsak,  604 sahifani oltmish daqiqada 10 marta o‘qib bo‘lmaydi. Absurd bu.

🩷Ko‘z yugurtirishni xatm demaslik kerak. 🩷

Shuningdek, ustozlar Qurʼonni to‘liq eshitib chiqish, maʼnolar tarjimasini o‘qish hamda transliteratsiya shaklini mutolaa qilib tugatishni «Qurʼonni xatm qildi» deyilmaydi, deydilar.

🩷Yuqorida hikoyadek qilib, oson bo‘lgani uchun birinchi shaxsda yozdim, tabiiy-ki o‘zim haqimda emas.

@qizingizyozdi