“ONA TILIM — FAXRIM VA G‘URURIM”

21-oktabr — O‘zbekiston Respublikasining “Davlat tili to‘g‘risida”gi Qonuni qabul qilinganligining 37 yilligi munosabati bilan boshqarma tizimida faoliyat yuritayotgan xotin-qizlar o‘rtasida ma’naviy-ma’rifiy tadbir tashkil etildi.

Tadbir boshqarma boshlig‘i o‘rinbosari, podpolkovnik A.Innatullayev rahbarligida S.Nasafiy nomidagi kutubxona hamkorligida o‘tkazildi. Unda Faxriylar kengashi raisi hamda boshqarmaning Oila va xotin-qizlar bilan ishlash bo‘yicha yetakchi mutaxassisi ishtirok etdi.

Tadbir doirasida “Ona tilim — faxrim va g‘ururim” mavzusida insholar tanlovi hamda ishtirokchilarning davlat tili bo‘yicha bilimlarini sinovdan o‘tkazishga qaratilgan bellashuv tashkil etildi.

Tadbir ona tilimizga bo‘lgan hurmat va ehtiromni yanada oshirish, davlat tilining nufuzini mustahkamlash hamda xodimlar o‘rtasida milliy qadriyatlarga sadoqat tuyg‘usini yuksaltirishga xizmat qildi.

Boshqa yangiliklar👇
Veb-sayt | Telegram | Instagram | Facebook | YouTube