“JASORAT MAKTABLARI” O‘QUVCHILARI TANTANALI VA’DA BERDI

Kecha, 15-oktabr kuni Shahrisabz shahridagi Amir Temur xiyobonida Qashqadaryo viloyatidagi barcha “Jasorat maktablari” o‘quvchilarining tantanali “Va’da berish” marosimi bo‘lib o‘tdi.
Tadbirda Qashqadaryo viloyati Favqulodda vaziyatlar boshqarmasi boshlig‘i o‘rinbosari, podpolkovnik A. Inatullayev, boshqa idoralarning mas’ul rahbarlari, o‘quvchilar va ularning ota-onalari, faxriylar, OAV hamda jamoatchilik vakillari ishtirok etdi.
Marosim davomida yoshlar tantanali ravishda va’da berib, Vatanga sadoqat, yurt tinchligi va ravnaqi yo‘lida xizmat qilishga tayyor ekanliklarini namoyon etdilar.
Mazkur tadbir yosh avlod qalbida vatanparvarlik, jasorat, intizom va yuksak mas’uliyat tuyg‘ularini mustahkamlash, ularni munosib insonlar etib tarbiyalash yo‘lidagi muhim qadamlardan biri bo‘ldi.

Boshqa yangiliklar👇
Veb-sayt | Telegram | Instagram | Facebook | YouTube