Favqulodda vaziyatlarning oldini olishga qaratilgan amaliy o‘quv mashg‘ulotlari o‘tkazildi.

Toshkent va Qashqadaryo viloyatlarida tashkil etilgan mashg‘ulotlarda favqulodda vaziyatlar, bojxona xizmatlari hamda obyektlarning fuqaro muhofazasi tuzilmalari ishtirok etdi.

Mashg‘ulotlar davomida favqulodda vaziyatlar haqida xabar berish, xavfli hududlarni cheklash, odamlarni xavfsiz hududga evakuatsiya qilish va yong‘inni bartaraf etish bo‘yicha amaliy harakatlar namoyish etildi. Shuningdek, yonish va portlash xavfi yuqori bo‘lgan kimyoviy moddalarni saqlash hamda ular bilan ishlashda xavfsizlik qoidalariga rioya etishga alohida e’tibor qaratildi.

Mazkur tadbirlar favqulodda vaziyatlarning oldini olish, tegishli xizmatlar hamkorligini mustahkamlash va ehtimoliy xavf-xatarlar oqibatlarini kamaytirishga xizmat qiladi.