Пул Францыі 🇫🇷⚪️🔴⚪️

📖 У французскім часопісе надрукавалі вершы і прозу беларускіх аўтарак.

У французскім часопісе Revue CAFÉ #8 апублікавалі вершы Юлі Цімафеевай у перакладзе Яны Гульцяевай, а таксама прозу Вольгі Касцюк у перакладзе Julie Bonin. Вершы ў выданні надрукаваныя таксама і ў беларускім арыгінале.

Revue CAFÉ быў заснаваны ў 2019 годзе пры Inalco (Нацыянальным інстытуце ўсходніх моў і цывілізацый). Праект быў ініцыяваны перакладчыкамі і выступае супраць мэйнстрыму выдавецкага рынку, засяродзіўшыся выключна на мовах, якія называюцца «мінарызаванымі». Тэксты, перакладзеныя з англійскай, нямецкай, іспанскай і італьянскай у ім прынцыпова не публікуюць.

Купіць часопіс можна тут ⬅️

Ужо трэці год запар, Беларусы рэгіёнаў Савой у Францыі здзяйсняюць навучальна-творчы праект ў партнёрстве з прафесійным ліцэем Самэлье ў Ансі.

Для групы студэнтаў курсу "Тэатральныя прафесіі опцыя тэхнік адзення" былі праведзены заняткі па традыцыйным Беларускім строі, якія ўключалі тэарэтычную частку па гісторыі і асаблівасцях Беларускіх строяў розных рэгіёнаў нашай краіны і практычную частку па вышыўцы, пляценню гарлячак ды пляценню паясоў.

"Мы былі вельмі радыя распавесці пра нашую неймаверна багатую і прыгожую культуру 🥰🥰🥰" , – кажа кіраўніца асацыяцыі Беларусаў рэгіёнаў Савой.

Праз некалькі тыдняў ПуФ апублікуе гатовыя праекты ліцэістаў. Сачыце за навінамі !

Беларусы Ліёна, Парыжа, Ансі, Грэнобля, Манпэлье і Ванс адсвяткавалі Дзень Сцяга!

У Ліёне адбылося свята "La fête des Bannières du Monde". Асацыяцыя беларусаў Ліёну Bel’art Lyon 9-ты год прадстаўляе Беларусь. Сёлета 35 краінаў і 40 асацыяцый прэзентавалі сваю культуру, гісторыю, кухню, традыцыйныя танцы і спевы.

Беларусы арганізавалі інфармацыйны стэнд, частавалі роднымі прысмакамі, а падчас маршу затанчылі беларускія народныя танцы — Базар, Грачанікі, Ночка, Полька-бабачка, Верабей, Маразуля, Вітаны. Таксама са сцэны прагучала "Цячэ вада ў ярок".

Свята сцягоў — магчымасць годна пахваліцца культурным дабыткам Бацькаўшчыны, навучыцца танчыць і спяваць па-беларуску і пазнаёміцца з цудоўнымі беларускамі і беларусамі.

Далучайцеся праз год!
Сачыце за навінамі.
Жыве Беларусь!

Больш фотак і відэа ў інсце

📖 У "Мяне няма" выходзіць першая перакладная кніга.

Выдавецтва “Мяне Няма” анансавала выхад першай перакладной кнігі ў сваім даробку — “Нашы зіхоткія целы” Алёны Глухавай.

Арыгінал кнігі быў напісаны беларускай Алёнай Глухавай па-французску і пабачыў свет тры гады таму ў буйным выдавецтве Gallimard. На беларускую мову кнігу пераклала Алена Пятровіч.

Падрабязней 👈

З‘явілася старонка беларусаў, што збіраюцца на беларускамоўныя літургіі ў Парыжы.

Заходзьце пачытаць пра іх! Далучайцеся да сустрэчаў ❤️

https://belchurch.cloud/be/calendar/

Міжнароднае свята сцяга ў Ліёне! 🤍❤️🤍 Беларусы будуць там. Далучайцеся!