Marg'ilon IM

«OVOZ» — G‘OYALAR MINBARI

🎙 Ixtisoslashtirilgan ta'lim muassasalari agentligi tizimida o‘quvchilarning intellektual salohiyati, mustaqil fikrlashi va notiqlik mahoratini rivojlantirishga qaratilgan «OVOZ» intellektual ma’ruzalar loyihasi uchun ro‘yxatdan o‘tish boshlandi. TED va TED-Ed formatlaridan ilhomlangan loyiha yoshlarning dolzarb masalalar yuzasidan o‘z qarashlarini erkin ifoda etishi, yangi g‘oyalarni ilgari surishi va ularni keng auditoriyaga yetkazishi uchun imkoniyat yaratadi.

💡 Ishtirokchilar raqamli texnologiyalar va innovatsiyalar, tarix va shaxsiyat, shaxsiy qarashlar hamda jamiyat va maktab hayotiga oid yo‘nalishlarda o‘z g‘oyalarini taqdim etishlari mumkin. Loyihaning asosiy maqsadi — yoshlarning fikrlash madaniyati, nutq ko‘nikmalari va o‘z g‘oyalarini asosli ravishda ifoda etish qobiliyatini rivojlantirish, shuningdek, ularning tashabbuslarini qo‘llab-quvvatlashdir.

🖥 Ro‘yxatdan o‘tish 17-oktabrga qadar davom etadi. Ishtirok etish shartlari va barcha talablar bilan quyidagi havola orqali tanishish mumkin. Qo‘shimcha ma’lumot uchun: @ovozadm1n.

Bizni kuzating

💻web🌐Telegram ▶YouTube🌐Instagram🌐Facebook⚙Portal

​🌟 Ochiq dars: "Great Sounds"

🏛​Margʻilon shahar ixtisoslashtirilgan maktabi oʻquvchilarning ingliz tilidagi muloqot koʻnikmalarini rivojlantirishga qaratilgan amaliy ishlar izchil davom ettirilmoqda.

👨‍🏫​Maktabning ingliz tili fani oʻqituvchisi Shermuhammad Abdurahmonov tomonidan 6-"Al-Xorazmiy" sinfi oʻquvchilari ishtirokida "Great Sounds" mavzusida ochiq dars tashkil etildi.

​✨ Dars jarayonida:

​🎧 Oʻzgacha yondashuv: Oʻquvchilar atrof-muhitdagi musiqiy ohanglar hamda ularning inson hissiyotlariga taʼsiri haqida ingliz tilida erkin fikr yuritishdi.

​🗣 Interaktiv muloqot: Zamonaviy metodlar, qiziqarli vizual-audiovizual topshiriqlar va jamoaviy oʻyinlar orqali oʻquvchilarning soʻz boyligi va eshitish (listening) koʻnikmalari sinovdan oʻtkazildi.

​💡 Yuqori faollik: 6-"Al-Xorazmiy" sinfining zukko oʻquvchilari oʻzlarining ravon ingliz tili va faolligi bilan barchada katta taassurot qoldirishdi.

🌐Marg'ilon shahar ixtisoslashtirilgan maktabi matbuotchisi.

⚜Ta'lim rivojiga biz bilan hissa qo'shing!

🏛Marg‘ilon shahar ixtisoslashtirilgan maktabida yangi hafta ko‘tarinki ruh va qiziqarli mashg‘ulotlar bilan boshlandi!

🔰​An’anaga ko‘ra, haftaning ilk darsi “Kelajak soati” mashg‘ulotlariga bag‘ishlandi. Bu safargi darslar o‘quvchilar uchun juda qadrli va dolzarb bo‘lgan “Mening ustozim” hamda “Ustoz va zamonaviy texnologiyalar” mavzularida bo‘lib o‘tdi.

​Dars davomida:

✨ O‘quvchilar o‘z ustozlarining mashaqqatli va sharafli mehnatini e’tirof etib, ularga bo‘lgan samimiy hurmat va minnatdorchiliklarini bildirishdi.

💡 O‘quvchilar kelajakda zamonaviy texnologiyalardan unumli foydalangan holda bilim olish va ustozlar bergan saboqlarni amalda qo‘llash bo‘yicha o‘z fikr-mulohazalari bilan o‘rtoqlashdilar.
​
🌐Marg'ilon shahar ixtisoslashtirilgan maktabi matbuot xizmati.

⚜Ta'lim rivojiga biz bilan hissa qo'shing!