Новая сустрэча клуба Frame на тэму «Дзеянне і Рытуал» — на гэтым тыдні!

Усе мы націскалі кнопку на пераходзе, нават ведаючы, што яна не спрацуе, — але навошта? У 2004 годзе New York Times высветліла: больш за 2500 з 3250 кнопак на нью-ёркскіх пераходах даўно адключаныя. Адміністрацыя ведала пра гэта і не здымала іх. Людзі націскалі, чакалі і, як кажуць журналісты, радзей беглі на чырвонае. Падман гэта ці клопат? А калі і тое, і другое?

Мы разбяромся, чым дзеянне адрозніваецца ад рытуалу ў палітыцы і ў нашым асабістым жыцці. Рытуал — гэта не лаянкавае слова: на ім трымаюцца сем'і, супольнасці і мы самі ў цяжкія гады. Праблема — калі яго выдаюць за дзеянне або чакаюць ад яго хуткіх вынікаў. Без імёнаў і без прысудаў! Пачнём з сябе.

Мы хочам сабраць у адным месцы як мага больш розных Людзей і іх меркаванняў і беражліва правесці гэтую дыскусію. Паслухаць адно аднаго і, магчыма, нават пачуць! Прыходзьце — нешта забераце з сабой 🙂

💡 Фармат сустрэчы: інтэрактыўны
📅 16 кастрычніка (пятніца), а 19:00 (лепш прыйсці крыху раней)
Працягласць: 2 гадзіны
📍 Dożynkowa 6a, Беларускі моладзевы хаб
💸 Уваход вольны, трэба зарэгістравацца, данаты вітаюцца!
Далучайцеся да групы клуба Frame у Варшаве


🔗 Падтрымаць Беларускі Моладзевы Хаб данатам
👉 Падтрымаць

📍 Dożynkowa 6a, Варшава
⬜️ Беларускі Моладзевы Хаб