#Prezident_maktabi #Ozbek_tili_bayrami

📚 Farg‘ona shahridagi Prezident maktabida 21-oktabr – O‘zbek tili bayrami kuni munosabati bilan “Savodxonlik – millat ko‘zgusi” shiori ostida ma’naviy-ma’rifiy tadbir tashkil etildi.

🔹 Tadbirning asosiy maqsadi o‘quvchilarda ona tiliga hurmat va ehtirom tuyg‘ularini mustahkamlash, ularning og‘zaki va yozma nutq madaniyatini rivojlantirish, savodxonlik darajasini oshirish hamda davlat tilining jamiyat hayotidagi o‘rni va ahamiyatini keng targ‘ib etishdan iborat bo‘ldi.

✍️ Tadbir doirasida o‘quvchilarning o‘zbek tili grammatikasi, imlo va nutq madaniyatiga oid bilimlarini mustahkamlashga qaratilgan mashg‘ulotlar o‘tkazildi. Shuningdek, pedagog va xodimlar ishtirokida ommaviy diktant tashkil etilib, savodli yozish, adabiy til me’yorlariga rioya qilish hamda fikrni yozma shaklda aniq va izchil ifodalash masalalariga alohida e’tibor qaratildi.

Ona tiliga ehtirom – milliy o‘zlikka hurmat ifodasidir!

🌐 Telegram manzilimiz |Facebook sahifamiz | Web sahifamiz