📌 «ПетроҚазақстан Ойл Продактс» ЖШС басшылығы Еңбекші ауданы әкімдігінің өкілдерімен және зауытқа іргелес орналасқан тұрғын алаптардың (Қаратөбе, Қарабастау, Жұлдыз, Жалын, Бадам, Шымтау) тұрғындарымен кездесу өткізді. Кездесудің басты тақырыптары экологиялық ахуал және тұрғындардың мезгіл-мезгіл сезілетін иістерге қатысты шағымдары болды.

Кездесу ашық әрі сындарлы диалог жағдайында өтті. Кездесу барысында жергілікті қоғамдастық өкілдері зауыт басшылығына тікелей байланыс орнатуға және тұрғындарды алаңдатқан мәселелерді бірлесіп шешуге дайын болғаны үшін алғыстарын білдірді.

Келіссөздердің басты нәтижесі «ПҚОП» ЖШС өкілдері, жергілікті атқарушы органдар және елді мекендердің өкілдерінен тұратын бірлескен қоғамдық жұмыс тобын құру туралы шешім қабылдау болды. Оның құрамына зауыт мамандары, әкімдік қызметкерлері және жергілікті тұрғындар кіреді.

Құрылған қоғамдық жұмыс тобы тұрғын аймақтардағы иіс деңгейін жүйелі түрде тіркеу, ауа сапасына мониторинг жүргізу және ластаушы заттар шығарындыларының жол берілетін шекті нормативтерінің сақталуын қатаң бақылау жұмыстарымен айналысатын болады.

«ПҚОП» ЖШС экологиялық жауапкершілік пен жергілікті қоғамдастық алдында ашықтық қағидаттарына бейілділігін растайды.

🖊️ «ПҚОП» ЖШС