🔬 Ixtisoslashtirilgan ta’lim muassasalari agentligi tizimidagi maktablarda laboratoriya va amaliy mashg‘ulotlarni samarali tashkil etish, ilg‘or pedagogik tajribalarni ommalashtirish maqsadida “Eng yaxshi videoqo‘llanma” tanlovining navbatdagi mavsumi 2026-yil 19-oktabr kuni boshlanishini ma’lum qilamiz!
📚 Tanlovning ushbu mavsumida fizika, kimyo va biologiya fanlaridan 7-, 8-, 9-, 10- va 11-sinflar uchun o‘quv dasturlari asosida laboratoriya hamda amaliy mashg‘ulotlar bo‘yicha videoqo‘llanmalar tayyorlanadi.
📌 Tanlovda ishtirok etish uchun:
➖ vt.piima.uz platformasiga maxsus login va parol orqali kirish;
➖ tegishli fan, sinf va videoqo‘llanma tayyorlanadigan mavzuni tanlash;
➖ belgilangan talablar asosida videoqo‘llanma tayyorlash va platformaga yuklash talab etiladi.
📹 Tayyorlangan videoqo‘llanmalar malakali hakamlar hay’ati tomonidan belgilangan baholash mezonlari asosida ko‘rib chiqiladi.
💰 Hakamlar hay’ati tomonidan qabul qilingan va foydalanishga tavsiya etilgan har bir videoqo‘llanma uchun muallif bazaviy hisoblash miqdorining (BHM) 1,5 barobari miqdorida rag‘batlantiriladi.
Bizni kuzating
💻web🌐Telegram ▶YouTube🌐Instagram🌐Facebook⚙Portal