🇪🇺 ЕЎРАПАРЛАМЕНТ: АД СУСТРЭЧ — ДА КАНКРЭТНЫХ ДЗЕЯННЯЎ

Святлана Ціханоўская і каманда сёння правялі ў Еўрапейскім парламенце шэраг сустрэч з тымі, хто фарміруе еўрапейскую палітыку ў дачыненні да Беларусі.

Размова ішла не толькі пра сітуацыю ў Беларусі, але перадусім пра канкрэтныя крокі і новыя магчымасці для парламенцкай падтрымкі.

🔹 Канферэнцыя высокага ўзроўню па Беларусі — яна пройдзе ў снежні ў Еўрапейскім парламенце. Абмяркоўвалі фармат, удзельнікаў і змест.

🔹 Статус назіральніка для Беларусі ў Парламенцкай асамблеі Еўранэст. Тут маем добрую падтрымку і працуем над тым, каб гэтае рашэнне было рэалізавана.

🔹 Міжпартыйны форум 8+100. Новая магчымасць пашырыць кола палітычных сіл у Еўропе, якія будуць сістэмна займацца беларускай тэмай і заставацца ўцягнутымі ў яе.

🔹 Канфіскацыя маёмасці беларусаў па палітычна матываваных справах. Пытанне ўжо мае падтрымку на ўзроўні некалькіх дэпутатаў і палітычных груп. Ёсць гатоўнасць вывучаць праблему, выводзіць яе на ўзровень Еўрапарламента і шукаць палітычныя і прававыя механізмы рэагавання.

🔹 Стажыроўкі для маладых беларусаў — яшчэ адзін напрамак, які можа стварыць новыя магчымасці для прафесійнага і палітычнага ўключэння беларусаў у еўрапейскія працэсы.

Сярод суразмоўцаў — кіраўніца дэлегацыі Еўрапарламента па Беларусі Малгажата Гасеўская, прадстаўнікі Renew Europe Данюс Жалімас і Кабоска, сустаршыня Парламенцкай асамблеі Еўранэст Сяргей Лагодзінскі, адна з лідараў EPP Раса Юкнявічэне.

Галоўнае: беларуская тэма ў Еўрапарламенце — гэта не толькі заявы і салідарнасць. Гэта канкрэтныя рашэнні, новыя фарматы супрацоўніцтва і палітычныя інструменты.

#Беларусь #Еўрапарламент #Ціханоўская #Еўранэст #ПарламенцкаяДыпламатыя

Далучайся і будзем разам 🖌 https://t.me/parlamentbel