Masʼud

Masʼud soʻzi arabchadan olingan, asliyatda baxtli, saodatli maʼnolarini bildiradi. Oʻzbek tilida ikki xil tarzda qoʻllanadi.

1. Kitobiy tilda baxtli, saodatli maʼnosida:

Esini tanigandan boshlab onasi bilan kechirgan zamonlar masʼud, lekin qaytarilmas bir tush kabi Yoʻlchining koʻz oldidan bir-bir oʻtadi.

Oybek, Tanlangan asarlar.

Kampir iyagiga hassasini tirab, oʻsha masʼud va mashʼum tunlar ogʻushida singib ketdi.

S. Ahmad, Oʻylar.

2. Erkaklar ismi sifatida. Bunda ham baxtli, saodatli maʼnosiga ega:

Masʼudjon qurilish sohasida ishlaydi.

Masʼudov, siz birinchi boʻlib chiqish qilasiz.

❗️ Ism sifatida ishlatilganda koʻpincha Maʼsud deb talaffuz qilinadi. Lekin yozganda Masʼud yozilishi kerak. Maʼsud, Masud deb yozish xatodir.

Izohli lugʻat asosida tayyorlandi.

@oriftolib | Sahifalarimiz