Axir: vergul kerak emas

Koʻp tarqalgan xatolardan biri axir soʻzi bilan vergul ishlatishdir. Axir ravish va yuklama boʻlib kelishi mumkin. Har ikki holatda ham vergul ishlatilmaydi:

1️⃣ Ravish boʻlib kelganda oxiri, pirovardida, nihoyat maʼnolarini anglatadi. Soʻzning axiyri, axiri koʻrinishlari ham bor. Koʻproq axiyri shakli ishlatiladi:

Axir boʻlmadi. Axir koʻndi.

Axiyri oktyabr oyi ham tugadi.
M. Ismoiliy, Fargʻona t. o.

2️⃣ Yuklama boʻlib kelganda maʼnoni kuchaytirish va taʼkidlashga xizmat qiladi:

Axir yoshimiz ketyapti, umr bahorimiz oʻtib, kuzimiz yaqinlashib kelyapti, Hayotxon!
M. Ismoiliy, Fargʻona t. o.

📌 Demak,

Axiyri rozi boʻldi. Axir zotingga tortasan. ✅
Axiyri, rozi boʻldi. Axir, zotingga tortasan. ❌

Axir bu oddiy narsa-ku! Tushuning axir! ✅
Axir, bu oddiy narsa-ku! Tushuning, axir! ❌

@oriftolib | Sahifalarimiz