#Халқаро_симпозиум
🔺Имом Бухорий халқаро симпозиуми ўз ниҳоясига етди: Тошкент ислом институти делегациясининг Туркияга илмий сафари якунлари ҳақида
🔺9-11 октябр кунлари Туркиянинг Памуккале университетида бўлиб ўтган «Имом Бухорийнинг илмий мероси: анъанавий ва замонавий ёндашувлар» мавзусида ўтказилган халқаро симпозиум ўз ниҳоясига етди.
🔺Симпозиум якунида Памуккале университети ректори, профессор Маҳмуд Гунгўр анжуманни ташкил этишдаги ҳамкорлиги ва фаол иштироки учун Тошкент ислом институти ректори Уйғун домла Ғафуровга алоҳида миннатдорлик билдирди.
🔺Мулоқот чоғида икки таълим муассасаси ўртасида имзоланган англашув меморандуми доирасида икки томонлама ўқув, илмий-маърифий ҳамкорликни янада ривожлантириш, қўшма конференция ва семинарлар ташкил этиш, шунингдек, ТИИ профессор-ўқитувчилари учун малака ошириш курсларини йўлга қўйиш, магистратура ва докторантура талабалари учун стажировкалар ташкил қилиш, талабалар алмашиш каби лойиҳаларни амалга оширишга келишиб олинди.
🟦Умуман олганда, Тошкент ислом институти делегациясининг 2026 йил 5–11 октябрь кунлари Туркияга илмий сафари давомида қуйидаги натижаларга эришилди:
🔺 8 та расмий муассасавий ташриф ва музокаралар ўтказилди, 5 та англашув меморандуми имзоланди ёки янгиланди, 60 дан ортиқ хорижий олим ва тадқиқотчилар қатнашган халқаро симпозиумда Ўзбекистондаги диний-маърифий ислоҳотлар юзасидан 2 та илмий маъруза қилинди, Туркия, Марокаш, Иордания, Англия, Сурия, Нигерия, Қирғизистондан келган 15 нафар олим, раҳбар ва мутахассис билан мулоқотлар ўтказилиб, Ўзбекистондаги диний-маърифий ислоҳотлар ҳақида маълумот берилди.
📌 Мазкур хорижий олимлар, айниқса, Ўзбекистонга 2026 йилда ташриф буюрган иштирокчилар юртимизда буюк алломалар меросини тиклаш, илмий ўрганиш ва кенг тарғиб этиш борасида амалга оширилаётган ишлар ҳақида ижобий фикрлар билдирдилар.
➡️ Бу эътирофлар Давлатимиз раҳбарининг ислом цивилизацияси меросини асраш ва халқаро илмий муомалага киритиш борасидаги саъй-ҳаракатларига халқаро илмий доираларда қизиқиш ва хайрихоҳлик мавжудлигини кўрсатади.
©️Тошкент ислом институти Матбуот хизмати
📱 @oliymahad – диний-маърифий канал!
📱 Youtube 📱 Facebook 📱 Instagram