🔺Дуал таълим: назарий билимдан амалий кўникмагача
🔺Тошкент ислом институтида битирувчи курс талабаларининг назарий билимларини амалиёт билан уйғунлаштириш, касбий маҳоратини ошириш ҳамда келгусидаги фаолиятига тайёрлаш мақсадида дуал таълим жараёни йўлга қўйилган.
🔺Жорий ўқув йили бошидан бошлаб талабаларни амалий фаолиятга жалб этиш, уларни тажрибали тарғиботчиларга бириктириш ҳамда амалиёт жараёнини самарали ташкил этиш бўйича тегишли ишлар амалга оширилмоқда.
🟦Хусусан, талабаларга амалиёт давомида бажарилиши лозим бўлган вазифалар, тарғибот тадбирларида иштирок этиш тартиби ва амалиёт дафтарини юритиш қоидалари юзасидан тушунтиришлар берилди.
🔺Айни пайтда битирувчи курс талаба йигитлари 29 та масжидда, талаба қизлар эса 15 та маҳаллада амалий фаолият олиб бормоқда. Талабалар бириктирилган ҳудудларда маънавий-маърифий тадбирларда иштирок этиш, аҳоли билан ишлаш ҳамда таълим жараёнида эгаллаган билимларини амалиётда қўллаш орқали зарур касбий кўникмаларини шакллантирмоқда.
🔺Дуал таълим жараёнида талабаларнинг амалий фаолиятини мувофиқлаштириш, амалиёт дафтарларининг мунтазам юритилишини таъминлаш ҳамда тарғиботчилар билан ҳамкорликни мустаҳкамлашга алоҳида эътибор қаратилмоқда.
➡️Дуал таълим — назарий билимларни амалий тажриба билан бойитиш, малакали мутахассисларни тайёрлаш ва талабаларнинг келажакдаги касбий фаолиятига мустаҳкам замин яратишнинг муҳим босқичидир.
📝Ёшлар билан ишлаш, маънавият ва маърифат бўлими
📱 @oliymahad – диний-маърифий канал!
📱 Youtube 📱 Facebook 📱 Instagram