🔺Тошкент ислом институти ва Истанбулдаги UMAD ўртасида алоқалар мустаҳкамланмоқда
🔺Тошкент ислом институти раҳбарияти халқаро ҳамкорлик алоқаларини янада кенгайтириш ва мустаҳкамлаш борасида амалий саъй-ҳаракатларни давом эттирмоқда. Хусусан, институт ректори Уйғун Ғафуров ҳамда илмий ишлар ва фан бўйича маслаҳатчи Соатмурод Примов Туркиянинг Истанбул шаҳридаги Халқаро мусулмон уламолари бирдамлиги уюшмасига (UMAD) ташриф буюрдилар.
🟦 Маълумот ўрнида таъкидлаш жоизки, UMAD 2016-йилда таъсис этилган нуфузли нодавлат нотижорат ташкилот бўлиб, унинг асосий мақсадлари мусулмон уламолари ва илм аҳли ўртасида ўзаро ҳамкорликни ривожлантириш, ислом оламининг долзарб масалаларини илмий-назарий нуқтаи назардан муҳокама қилиш ҳамда диний-маърифий фаолиятни ҳар томонлама қўллаб-қувватлашдан иборатдир.
🟦Марказ мунтазам равишда турли долзарб мавзуларда илмий семинарлар, халқаро конференциялар ва симпозиумлар ташкил этиб келади. Бу эса ўз навбатида илоҳиёт ва ислом суннатлари соҳаси бўйича фаолият олиб бораётган етакчи олимлар ва тадқиқотчиларни ягона илмий муҳитда бирлаштириб, ўзаро фикр ва тажриба алмашишлари учун кенг имкониятлар яратади.
🟦Ташриф чоғида ТИИ вакиллари UMAD раҳбарлари ва масъуллари, жумладан, Абдулваҳаб Экинжи билан учрашув ўтказиб, ташкилотнинг фаолият йўналишлари ва келгусидаги режалари билан яқиндан танишдилар.
📌Эслатиб ўтамиз, Тошкент ислом институти билан ушбу халқаро тузилмалар ўртасида ҳамкорлик алоқалари 2023-йилда йўлга қўйилган бўлиб, мазкур учрашувда ана шу анъанавий алоқаларни янги босқичга кўтариш масалалари муҳокама қилинди.
🔸 Tомонлар келгусида қўшма илмий-амалий конференциялар ва семинарлар ташкил этиш, долзарб мавзуларда илмий тадқиқотлар олиб бориш ҳамда мутахассислар малакасини ошириш борасида яқиндан ҳамкорлик қилишга келишиб олдилар.
✍️ТИИ Матбуот хизмати
📱 @oliymahad – диний-маърифий канал!
📱 Youtube 📱 Facebook 📱 Instagram