شعر ده اولان گؤزللیک لر و اوندا «چین» کلمه سی ایله هنرنمایی یه دقت بویورون لطفا.
بو شعر رحمتلیک دکتر صدیقین تصحیحی و املاسی ایله عینا خدمتیزه تقدیم اولونور.
معنبر سۆنبۆلۆن شاها گۆل سیرابا پرچیندیر
مَعَاذَالله خطا قېلدېم، نه پرچین، نافه ی چیندیر.
خطادېر چینه حمل ائتمک معنبر زۆلفۆنۆ بالله!
کی هر بیر قېلی ساچېنېن هزاران چین و ماچیندیر
دهانېندان خبر وئردی روان پرور سؤزۆن، اما
بیلینمز نسنه دن کیمسه، اینانماز کیم خبرچیندیر.
سن اوْل سولطان خوبانسان، بوگون عالمده، ای دلبر
کی قول تک جومله دلبرلر سنه شاهین و لاچیندیر
مدور نقطه ی خالېن گؤزۆمدن بیر نفس گئتمز
مگر کیم شوْل قارا بنلر گؤزۆمده نقش پرچیندیر.
روخون اۆزره بنین شاها!نه هیندودور عجب، یارب!
يالېنجاق اوْغرومو یا خود ارم باغېندا گۆل چیندیر؟
گؤیرچین تک شیکار ائتدی منی اوْل نرگیس فتان
یاووز گؤزدن ایراق اوْلسون کی خوش تۆرکانه لاچیندیر.
مه تابانا یا مئهره سنی بنزه تمه زم، نئچون
کی حۆسنۆن خرمنینده گۆن مه ایله سۆنبۆله چیندیر
گؤزۆمدن گرچی دلکشدیر ساچی نین شیوه سی، اما،
نسیمنی بو سئودایا بوراخان شوْل موغول چیندیر
بو شعرده کی اولان جناس صنعتی #هوش_مصنوعی ایله تحلیل اولونوب دور کی قوللوقلارینیزا تقدیم اولونور