الله اکبر ای صنم!
حۆسنۆنده حیران اوْلموشام
قوس قزحدیر قاشلارېن
یایېنه قوربان اوْلموشام

یۆزۆن دۆر اول جنت گۆلۆ
بوْيون حقیقت سدره سی
عشقينده من بولبول کیبی
عالمده دستان اوْلموشام

کون و مکاندان کئچمیشم،
معنی شرابېن ایچمیشم
جانان یۆزۆنۆ گؤرمۆشم،
باشدان آیاق جان اوْلموشام

دعوی منم، قاضی منم،
منکر منم، راضی منم
داغ ایله هم یازې منم،
من كل دؤوران اوْلموشام

صوفی منم، صافی منم،
کافی منم، شافی منم
ارنی منم، حیران منم،
دردیله درمان اوْلموشام

زاهد منم، عابد منم،
عاصی منم، فاسق منم
مؤمون منم، كافر منم،
من كل انسان اوْلموشام

اوچماق ایله رضوان منم
دامو ایله ثعبان منم
دانا ایله نادان منم،
این اولموشام آن اوْلموشام

گه چېخمېشام عیسی کیبی
چرخ اۆستۆنه اوْتورموشام
گه وارمېشام یوسف کیبی
مصرنده سلطان اولموشام

صاحب قران قدرتم،
یاقوت كان وحدتم
شیمدی گلیب "نسیمی" یم
خاک ایله یکسان اوْلموشام

#عمادالدین_نسیمی
#İmadəddin_Nəsimi


ال یازمالاردا اولان اساسی اختلاف لار

1) حسنونده و حسنونه

2) اوزون دور اول و اوزون دورور و اوزون دور ای
_ سدره سی و سروری و سرویدیر

3) جانان یوزونی و جانانه یوزون
باشدان ایاق و باشدان باشا و سرتا قدم.

4) داغ ایله هم یازی منم و داغی منم یازی منم و طاغی منم یازی منم

5) ارنی منم،  حیران منم و کونین صرافی منم

7) دامو ایله ثعبان منم و دامو ایله نیران منم و موسی ایله ثعبان منم
_ این اولموشام آن اولموشام و هم این و هم آن اولموشام

8) مصرینده و اول مصره

9) صاحبقرآن قدرتم و صراف بدر قدرتم و صاحبقرآن دیر قدرتیم
_ یاقوت کان وحدتم و یاقوت کان دیر وحدتیم
_ شیمیدی گلیب نسیمی یم و شیمیدی بو گون نسیمی یم

یو غزل لاپ معتبر و اسکی و بیر_ ایکی اختصاصی ال یازمالار اووزو ایله تصحیح اولوندو.

مصحح:
#نسیمی_مکتبی
#هاتف_بخشی
مدرس زبان و ادبیات فارسی