“KELAJAK TADBIRKORI–2026”: YOSHLAR BANDLIGI, KASBIY RIVOJLANISH VA TADBIRKORLIK IMKONIYATLARI

Namangan viloyatida oliy va kasbiy ta’lim tashkilotlari bitiruvchilari, talabalar hamda yoshlarning bandligini ta’minlash, ularni kasbga yo‘naltirish va tadbirkorlik tashabbuslarini qo‘llab-quvvatlashga qaratilgan “Kelajak tadbirkori–2026” kasb ko‘rgazmasining ochilish marosimi bo‘lib o‘tdi.

Tadbirni Namangan viloyati hokimi o‘rinbosari Otabek Bazarov ochib berdi. U o‘z nutqida yoshlar bandligini ta’minlash, ularning tashabbuslarini qo‘llab-quvvatlash va zamonaviy kasblarga yo‘naltirish bugungi kunning ustuvor vazifalaridan ekanini ta’kidladi.

Shuningdek, Namangan shahar hokimi Ayubxon Kamolov hamda “O‘zmilliybank” AJ “Kelajakka qadam” markazi direktori Elmurod Hoshimov so‘zga chiqib, yoshlarning kasbiy rivojlanishi, ish bilan ta’minlanishi va tadbirkorlik imkoniyatlaridan samarali foydalanishi masalalariga alohida to‘xtaldilar.

Ayni paytda ko‘rgazmada 100 dan ortiq tashkilot va korxona ishtirok etmoqda. Talabalar va bitiruvchilarga mavjud bo‘sh ish o‘rinlari, amaliyot dasturlari, kasb-hunarga o‘qitish imkoniyatlari hamda biznes faoliyatini yo‘lga qo‘yish bo‘yicha takliflar taqdim etilmoqda.

Tadbir doirasida “O‘zmilliybank” AJning “Kelajakka qadam” markazi bilan hamkorlikda talabalar va bitiruvchilarning startap hamda biznes loyihalarini qo‘llab-quvvatlash, ularni amaliyotga tatbiq etish imkoniyatlariga ham e’tibor qaratilmoqda.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI