⚡️⚡️⚡️⚡️⚡️⚡️⚡️
20 MINGDAN ORTIQ ISHTIROKCHI ORASIDAN RESPUBLIKA FINALIGA! NAMDTU TALABASI — KUCHLI UCHLIKDA!

Namangan davlat texnika universiteti talabasi Mohina Akramova “MODA YO‘LI” respublika ko‘rik-tanlovining final bosqichida faxrli 3-o‘rinni egalladi!

Tanlovga respublika bo‘yicha 20 000 dan ortiq ariza kelib tushdi. Saralash bosqichlaridan muvaffaqiyatli o‘tgan 55 nafar yosh dizayner qiz finalda o‘z mualliflik kolleksiyalarini namoyish etdi. Ular zamonaviy moda, avangard, milliy moda va oqshom liboslari yo‘nalishlarida o‘zaro bellashdilar.

Ana shunday keng ko‘lamli tanlovda Mohina Akramovaning kuchli uchlikdan joy olishi uning ijodiy salohiyati va dizayn sohasidagi izlanishlarining e’tirofidir.

Tanlov g‘oliblari uchun jami 300 million so‘mlik mukofot jamg‘armasi ajratildi. Uchinchi o‘rin sohiblari uchun 10 million so‘mlik vaucher belgilangan.

Tanlov Yoshlar ishlari agentligi, Qizlar akademiyasi va O‘zbekiston mahallalari uyushmasi tomonidan Dizaynerlar klubi hamkorligida tashkil etildi.

Mohina Akramovani ushbu yutug‘i bilan tabriklaymiz! Kelgusidagi ijodiy faoliyatida yangi marralar va yirik g‘alabalar tilaymiz.

NamDTU — yoshlar salohiyati, iste’dodi va yutuqlari e’tirof etiladigan maskan!

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI