📰📰📰📰
TALABALAR YASHASH SHAROITI TIZIMLI NAZORAT QILINMOQDA

Namangan davlat texnika universitetida talabalarning yashash sharoitlarini o‘rganish, xavfsizligi va ijtimoiy-maishiy holatini nazorat qilish, mavjud muammolarni o‘z vaqtida aniqlash hamda ularni manzilli hal etish maqsadida fakultet dekanlari va mas’ul rahbarlar tomonidan talabalar turar joylari hamda ijara xonadonlarida monitoring ishlari olib borilmoqda.

O‘rganishlar davomida talabalarning yashash sharoiti, xonalarning umumiy va sanitariya-gigiyena holati, xavfsizlik talablari, ichki tartib-qoidalarga rioya etilishi, elektr va isitish tizimlarining holati, ijara bilan bog‘liq masalalar, shuningdek, talabalarni qiynayotgan muammo va murojaatlar atroflicha o‘rganilmoqda.

Aniqlangan masalalar bo‘yicha mas’ullarga tegishli vazifalar belgilanib, ularni bartaraf etish va ijrosini nazorat qilish choralari ko‘rilmoqda.

Mazkur monitoring ishlari talabalar uchun xavfsiz, qulay va munosib yashash sharoitlarini ta’minlash, ularning murojaatlarini o‘z vaqtida ko‘rib chiqish hamda ta’lim olish jarayoniga salbiy ta’sir ko‘rsatishi mumkin bo‘lgan omillarning oldini olishga qaratilgan.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn