ReArtsakh

Ղարաբաղն ադրբեջանական հող է»․ Էրդողանի հերթական հակահայկական հայտարարությունը

Սեպտեմբերի 27-ի առիթով Թուրքիայի նախագահ Ռեջեփ Թայիփ Էրդողանը X-ի իր էջում գրառում է կատարել՝ հարգելով ադրբեջանցի զինծառայողների հիշատակը և հայտարարելով, թե իբր «Ղարաբաղն ադրբեջանական հող է և կմնա այդպիսին հավերժ»։
Անկարայի ղեկավարն այսպիսով վերահաստատել է իր անվերապահ աջակցությունը Բաքվի ագրեսիվ ու ծավալապաշտական քաղաքականությանը։

Ամբողջական հոդվածը կարդացեք կայքում․natnews.am/4532/

Սիրելի քույրեր ու եղբայրներ,

Վեց տարի առաջ՝ սեպտեմբերի 27-ին, Ադրբեջանի սանձազերծած պատերազմով սկսվեցին մեր ժողովրդի նորագույն պատմության ամենածանր 44 օրերը։

Այդ պատերազմի համար մենք վճարեցինք անչափելի բարձր գին՝ զոհեր, վիրավորներ, անհետ կորածներ, գերեվարվածներ, կորսված հայրենիք, հազարավոր հայորդիներ, որոնց քաջության մասին ես խոսել էի պատերազմի հենց հաջորդ օրը։

Այդ տղաների կյանքը հնարավոր էր փրկել։ Ցավոք, որոշում ընդունողները իրենց բնույթի համաձայն մտածում էին բացառապես սեփական կաշվի մասին: Պատերազմից հետո Նիկոլ Փաշինյանը հայտարարեց, որ այն կանգնեցնելու որոշումը կարող էր իրեն «դավաճանի» պիտակ բերել։

Սա այլևս պարզապես քաղաքական սխալի մասին չէ։ Երկրի ղեկավարը գիտակցել է սպասվող արհավիրքի ու կորուստների չափը, ունեցել է դրանք կանխելու պետական լծակներ, բայց վճռական քայլ չի կատարել՝ սեփական քաղաքական ճակատագրի հանդեպ մտավախությունից ելնելով։

Արդյունքում Արցախը հայաթափվեց, ու մի ամբողջ լուսավոր սերունդ բռնեց հավերժի ճանապարհը։

Սիրելի՛ ժողովուրդ,

44-օրյա պատերազմը տևեց 44 օր, բայց դրա արհավիրքները շարունակվում են մինչ օրս։ Վեց տարի անց՝ նոր կորուստներ, նոր զիջումներ և մեր պետությանը պարտադրվող նոր՝ ապազգային օրակարգ։ Վտանգը կրկնակի է՝ հակառակորդը կանգ չի առնում, իսկ պետության կենսական շահերը անձնական շահին ստորադասողը դեռ շարունակում է որոշումներ ընդունել մեր երկրի անունից։ Փաշինյանն առաջարկում է խաղաղություն՝ զիջումներով, մենք կբերենք խաղաղություն՝ առանց զիջումների:

Եվ ուրեմն, պետք է լինել միասնական և համախմբվել՝ ընդդեմ յուրաքանչյուր քայլի, որը թուլացնում է մեր պետությունը, ոտնահարում մեր ազգային շահը կամ մեր երկիրը կարող է տանել նոր արհավիրքների։

Սա ոչ միայն հրամայական է, այլև մեր պարտքն է բոլոր այն հերոսների առջև, ում անունները վեց տարի անց իշխանավորները դեռ չեն հրապարակել, փոխարենը նրանց նկարների հետ կռիվ են տալիս ու հեռացնում երևանյան շենքերի պատերից։

Խունկ ու խոնարհում՝ մեր նահատակների հիշատակին։

Պատիվ ու երախտագիտություն՝ այսօր մեր կողքին ապրող հերոսներին։

Հավերժ փա՛ռք մեր հերոսներին։

Սամվել Կարապետյան

Սեպտեմբերի 27․ աղետի շղթան, որ սկսվեց 2020-ին և հասավ Արցախի լիակատար հայրենազրկմանը

2020 թվականի սեպտեմբերի 27-ին սկսվեց հայոց ժամանակակից պատմության ամենաողբերգական էջերից մեկը։
Վեց տարի անց իշխանությունները մինչ օրս թաքցնում են զոհվածների ամբողջական, անվանական ցուցակները։ Պաշտոնյաները հնչեցնում են իրարամերժ թվեր․ Նիկոլ Փաշինյանը պնդում է 3833 զոհի մասին, իսկ նախագահ Վահագն Խաչատուրյանը բարձրաձայնեց ընդդիմության կողմից շրջանառվող 4800-ի մասին, ինչից հետո նրա աշխատակազմը իշխանական ճնշման տակ ստիպված եղավ ներողություն խնդրել։
2020-ի նոյեմբերի 9-ին հաջորդեցին Քարվաճառի ու այլ տարածքների հանձնումը, 2022-ի հոկտեմբերի 6-ին Պրահայում Արցախի ճանաչումը Ադրբեջանի կազմում, ապա՝ 10-ամսյա բլոկադան և Արցախի ամբողջական էթնիկ զտումը։
Նա, ով պատերազմից առաջ գոռում էր. «Արցախը Հայաստան է, և վերջ», այսօր Արցախն անվանում է «վզից կախված թոք», իսկ Արցախի մասին խոսելը փորձում է դարձնել արգելված թեմա։

Ծավալուն հոդվածն ամբողջությամբ կարդացեք կայքում․ natnews.am/4518/

«Հայ զինվորը չի պարտվել»․ Տիգրան Աբրահամյանի գրառումը 44-օրյա պատերազմի տարելիցի օրը

Տիգրան Աբրահամյանը 44-օրյա պատերազմի մեկնարկից 6 տարի անց Ֆեյսբուքի իր էջում ընդգծել է, որ հայ զինվորն ու հրամանատարները չեն պարտվել, այլ նրանց «դաժանորեն խաբել, մոլորեցրել ու դավաճանել են»։
Նրա գնահատմամբ՝ պատերազմը դեռևս ավարտված չէ, քանի որ թշնամին չի բավարարվել ձեռք բերածով, իսկ նահատակների առաքելությունը մնում է անավարտ։

Հոդվածն ամբողջությամբ կարդացեք կայքում․ natnews.am/4513/

«Դուք պատից միայն մի նկար չեք ջնջել»․ Ալբերտ Հովհաննիսյանի որմնանկարը մաքրելու որոշումը դժգոհության ալիք է բարձրացրել

Երևանի Հաղթանակի զբոսայգում 44-օրյա պատերազմի հերոս Ալբերտ Հովհաննիսյանի պատկերը ջնջելու քաղաքապետարանի քայլը սուր քննադատության է արժանացել սոցցանցերում։
Գրիշա Սանդալյանը, անդրադառնալով միջադեպին, համեմատություն է անցկացրել Փարիզում Միսաք Մանուշյանի հիշատակի հանդեպ պահպանվող հարգանքի հետ՝ ընդգծելով, որ հերոսի հիշատակը քաղաքային աղբ չէ, իսկ հայրենիքն ու հավաքական հիշողությունը պաշտպանելու իրավունք ունի յուրաքանչյուր հայ՝ աշխարհի ցանկացած կետից։

Հոդվածն ամբողջությամբ կարդացեք կայքում․natnews.am/4516/

Արցախի Հանրապետության Ազգային ժողովի նախագահի պարտականությունները կատարող Գագիկ Բաղունցի ուղերձը 2020 թվականի սեպտեմբերի 27-ի պատերազմի տարելիցի կապակցությամբ

Վեց տարի առաջ՝ 2020 թվականի սեպտեմբերի 27-ին, Ադրբեջանը, կոպտորեն ոտնահարելով հակամարտության կարգավորման հիմնարար՝ ուժի և դրա սպառնալիքի չկիրառման սկզբունքը և խնդիրը բացառապես խաղաղ ճանապարհով հանգուցալուծելու միջազգային ստանձնած պարտավորությունները, լայնածավալ ու արյունահեղ պատերազմ սանձազերծեց Արցախի ժողովրդի դեմ:

44 օր շարունակ համայն հայությունը միասնական ճակատով պայքարեց սեփական պատմական հայրենիքում ապրելու և արարելու անօտարելի իրավունքի երաշխավորման համար: Մեր ժողովուրդը ցուցաբերեց աննկուն կամք ու հերոսական դիմադրություն: Այսօր մեր խորին խոնարհումն ու երախտագիտությունն ենք հայտնում հայրենիքի պաշտպանության համար իրենց կյանքը զոհաբերած բոլոր նահատակների պայծառ հիշատակին: Նրանց սխրանքն ու անձնազոհությունը հավերժ դրոշմված են մեր ազգի պատմության մեջ:

2020 թվականի պատերազմն ու դրա ընթացքում Ադրբեջանի կողմից իրականացված բազմաթիվ ռազմական հանցագործությունները, քաղաքացիական բնակչության և ենթակառուցվածքների թիրախավորումն այդպես էլ չարժանացան միջազգային հանրության պատշաճ, սկզբունքային և իրավական համարժեք գնահատականին: Հենց այդ անպատժելիությունն ու միջազգային անտարբերությունը դարձան պարարտ հող հետագա շրջափակման, նոր ագրեսիայի և ի վերջո՝ արցախահայության ամբողջական էթնիկ զտման համար:

Արցախի ժողովրդի բռնի տեղահանմամբ ու հայրենազրկմամբ, սակայն, ադրբեջանական հանցագործությունների շղթան չընդհատվեց։ Այսօր էլ Ադրբեջանը շարունակում է հետևողականորեն ջնջել հայկական հետքը բռնազավթված Արցախից. պետական մակարդակով ավերվում, պղծվում ու աղավաղվում է մեր բազմադարյա պատմամշակութային և հոգևոր ժառանգությունը, հողին են հավասարեցվում մեր տներն ու օջախները, պղծվում՝ գերեզմաններն ու սրբավայրերը։

Այս իրողությունների պայմաններում Արցախի մշակութային ժառանգության պաշտպանությունը, Բաքվի բանտերում ապօրինաբար պահվող մեր հայրենակիցների անհապաղ ազատ արձակումն ու անհայտ կորածների ճակատագրերի պարզաբանումը պետք է մնան համազգային օրակարգի անսակարկելի առաջնահերթություններ։

Կրած ծանրագույն զրկանքներով հանդերձ՝ Արցախի ժողովուրդը չի հրաժարվել և երբեք չի հրաժարվելու իր հավաքական իրավունքներից։ Խաղաղությունը չի կարող կառուցվել արդարության շրջանցմամբ, իսկ ուժի կիրառման ու ագրեսիայի արդյունքների լեգիտիմացումը բացարձակապես անընդունելի է։ Տարածաշրջանում արդար և տևական խաղաղություն հնարավոր է մեր ժողովրդի հիմնարար իրավունքների վերականգնման, ինչպես նաև միջազգային հուսալի երաշխիքների ներքո դեպի սեփական պատմական հայրենիք արժանապատիվ, անվտանգ ու հավաքական վերադարձի ապահովման ճանապարհով:

Հավերժ փառք մեր նահատակներին:
Ուժ և տոկունություն մեր ժողովրդին:

27 սեպտեմբերի, 2026 թ.

«Կատեգորիկ հերքումը ապացույց չէ»․ Սիրանուշ Սահակյանը հակադարձել է Ադրբեջանի ՄԻՊ-ին

ՄԻԵԴ-ում հայ գերիների շահերի ներկայացուցիչ Սիրանուշ Սահակյանը մեկնաբանել է Ադրբեջանի ՄԻՊ-ի հայտարարությունը, որով «անհիմն» էին որակվել Ռուբեն Վարդանյանի բարձրացրած հարցերը։ 
Սահակյանի փաստարկմամբ՝ Բաքուն խուսափում է բուն խնդիրներից․ հարազատների հետ տեսակցությունների, տեսազանգերի, անկախ փաստաբանի ու նոտարական ծառայությունների հասանելիության բացակայության վերաբերյալ բողոքները մնացել են անպատասխան։ Փոխարենը ներկայացվել են առանց ապացույցների հայտարարություններ։ Սահակյանն ընդգծել է, որ եթե Բաքվի պնդումները ճիշտ են, ապա Ադրբեջանը պետք է հրապարակի հեռախոսազանգերի գրանցամատյաններն ու պաշտոնական փաստաթղթերը։ 

Մանրամասները կարդացեք կայքում․ natnews.am/4471/

«Հարավային Կովկասում խաղաղությունը չի կարող կառուցվել էթնիկ զտումների վրա»․ CSI-ի
հայտարարությունը ՄԱԿ-ում

ՄԱԿ-ի Մարդու իրավունքների խորհրդի 63-րդ նստաշրջանում Christian Solidarity International (CSI) կազմակերպության ներկայացուցիչ Ջոել Վելդկամպը հանդես է եկել հայտարարությամբ՝ ընդգծելով, որ լրանում է Արցախի հայաթափման երեք տարին։
Հայտարարության մեջ նշվում է, որ Ադրբեջանը շարունակում է արհամարհել Արդարադատության միջազգային դատարանի որոշումը՝ թույլ չտալով 150 000 հայերի վերադարձը, ապօրինի պահում է 20 հայ գերիների և ոչնչացնում է հայկական մշակութային ժառանգությունը (այդ թվում՝ Շուշիի միջնադարյան գերեզմանատունը)։ CSI-ն կոչ է արել ՄԱԿ-ին ապահովել արցախահայության անվտանգ վերադարձն իրենց հայրենիք։

Մանրամասները կարդացեք կայքում․ natnews.am/4467/

«Հաղթանակ» զբոսայգու պատից ջնջել են Ալբերտ Հովհաննիսյանի նկարը

Սոցցանցերում լայնորեն տարածվում է լուրն այն մասին, որ Երևանի «Հաղթանակ» զբոսայգու պատից հեռացրել են 44-օրյա պատերազմի հերոս, հրետանավոր Ալբերտ Հովհաննիսյանի պատկերը։
Դեպքը մեծ վրդովմունք է առաջացրել օգտատերերի շրջանում։ Շատերը կոչ են անում հերոսի հիշատակին նվիրված հրապարակումների տակ տարածել հայկական դրոշներ ու սրտիկներ՝ ի նշան հարգանքի և խոնարհումի։

Մանրամասները կարդացեք կայքում․natnews.am/4465/

Արցախի վառելիքի պահեստի պայթյունի պատասխանատուները պետք է պատժվեն․ Ալեն Ղուլյան

Ալեն Ղուլյանը Facebook-ի իր էջում անդրադարձել է 2023թ․ սեպտեմբերի 25-ին Արցախում տեղի ունեցած վառելիքի պահեստի ողբերգական պայթյունին։ Նա նշում է, որ բացի դիվերսիայի կամ անզգուշության վարկածներից, կան կոնկրետ պաշտոնեական հարցադրումներ։
Ղուլյանը բարձրացնում է ՊԲ նախկին հրամանատար Կամո Վարդանյանի և ՀՀ ԶՈւ ԳՇ պետ Էդվարդ Ասրյանի պատասխանատվության հարցը․ ինչո՞ւ է ռազմավարական օբյեկտից հանվել պահպանությունը, և ինչո՞ւ վառելիքը կազմակերպված չի բաշխվել տեղահանվող բնակչությանը։ Նա վստահություն է հայտնել, որ իշխանափոխությունից հետո այս գործով իրականացվելու է լիարժեք քննություն։

Մանրամասները կարդացեք կայքում․ natnews.am/4463/

ReArtsakh pinned a video

«300-ից ավելի զոհ, վիրավոր ու անհետ կորած, բայց որևէ մեկը չի պատժվել»․ Տիգրան Աբրահամյան

Քաղաքական գործիչ Տիգրան Աբրահամյանը հիշեցրել է 3 տարի առաջ Ստեփանակերտի վառելիքի պահեստում տեղի ունեցած ողբերգական պայթյունի մասին, որի հետևանքով զոհվեց 218 մարդ, 120-ը վիրավորվեցին, իսկ 21-ի ճակատագիրը մինչ օրս անհայտ է։
«Թեպետ զոհերի մեծ մասը պատերազմի մասնակիցներ էին, մինչև այժմ նրանց կարգավիճակը հստակեցված չէ, իսկ ընտանիքները փոխհատուցում չեն ստացել։ 3 տարի է՝ քննություն է ընթանում, սակայն պատասխանատուներն այդպես էլ պաշտոնապես չեն ֆիքսվել, և որևէ մեկն այս արյունոտ իրադարձության համար չի պատժվել»,- ընդգծել է Աբրահամյանը։

Մանրամասները կարդացեք կայքում․ natnews.am/4433/

Լրանում է Ստեփանակերտի վառելիքի պահեստի ողբերգական պայթյունի 3-րդ տարելիցը

3 տարի առաջ Ստեփանակերտի մերձակայքում գտնվող Հայկազովի վառելիքի պահեստում տեղի ունեցավ սարսափելի ողբերգություն․ պայթեց 100 տոննայանոց վառելիքի ցիստեռնը, որից բենզին էր հատկացվում Հայաստան բռնի տեղահանվող արցախահայերին։
Աղետի հետևանքով զոհվեց 219 մարդ, 22-ը անհետ կորան, ավելի քան 300-ը ստացան ծանր վնասվածքներ։
Այս ողբերգական տարելիցի օրը իշխանությունների կողմից տիրում է կատարյալ լռություն․ չկան ոչ հիշատակի խոսքեր, ոչ էլ ցավակցություն զոհվածների հարազատներին։

Մանրամասները կարդացեք կայքում․

Արցախցիների խնդիրները բազմաբնույթ են ու բազմաշերտ՝ բնակարանայինից մինչև հոգեբանական, սակայն սրանց լիարժեք հաղթահարման հիմքը քաղաքական է:

Որքան ՀՀ-ում գործող իշխանությունն անտեսում է արցախցիների գործոնը, իսկ առկա խնդիրներին անտարբեր կամ հատվածական է մոտենում, մեկ է՝ թեման ոչ թե վերանում է, այլ առավել խնդրահարույց կարգավիճակ է ստանում:

Որքան իշխանությունը ձգտում է բավարարել ադրբեջանցիների քաղաքական ախորժակը՝ կոպտորեն խախտելով արցախցիների իրավունքը, որը նաև միջազգայնորեն է սահմանված, Ադրբեջանն ավելի մեծ պահանջներ և ակնկալիքներ է ձևավորում:

Տիգրան Աբրահամյան

Իրավապաշտպանները ՄԱԿ-ում արդարություն են պահանջել Արցախի համար

CSI, WEA և ECLJ կազմակերպությունները ՄԱԿ-ի Մարդու իրավունքների խորհրդում բարձրացրել են բռնի տեղահանված արցախահայերի՝ իրենց հայրենիք անվտանգ վերադարձի հարցը։
CSI-ի ներկայացուցիչ Ջոել Վելդկամպը քննադատել է Ադրբեջանին Միջազգային դատարանի որոշումները չկատարելու, մշակութային ժառանգությունը ոչնչացնելու և ապօրինի կալանավորումներ իրականացնելու համար՝ ընդգծելով, որ խաղաղությունը չի կարող հիմնված լինել էթնիկ զտումների վրա։

Մանրամասները կարդացեք կայքում․natnews.am/4413/

«Արցախ Միություն» և մի շարք կազմակերպություններ․ Բաքուն պետք է պատասխանատվության ենթարկվի, իսկ արցախցիների վերադարձի իրավունքը՝ ապահովվի

Արցախի բռնի հայաթափման 3-րդ տարելիցի առթիվ «Արցախ Միությունը» և մի շարք կազմակերպություններ հանդես են եկել համատեղ հայտարարությամբ՝ ընդգծելով, որ 120,000 արցախցիների բռնագաղթը պատերազմի պատահական հետևանք չէր, և Ադրբեջանը պետք է պատասխանատվության ենթարկվի։
Հայտարարության մեջ նշվում է, որ Բաքուն շարունակում է անտեսել Արդարադատության միջազգային դատարանի՝ վերադարձի իրավունքի մասին որոշումը, իսկ 2026-ի փետրվարին Արցախի ռազմաքաղաքական ղեկավարության՝ Արայիկ Հարությունյանի, Բակո Սահակյանի, Արկադի Ղուկասյանի, Ռուբեն Վարդանյանի և մյուսների ապօրինի դատավճիռները Amnesty International-ը որակել է որպես «բացահայտ ծաղր»։ Միևնույն ժամանակ փաստվում է, որ Նիկոլ Փաշինյանի «Իրական Հայաստանի» գաղափարախոսությունը դուրս է մղել Արցախի հարցը, իսկ այլախոհությունը քրեականացվում է, ինչի օրինակն է Բագրատ Սրբազանի 344 օրվա կալանավորումը։ Ստորագրողները պահանջում են ռազմագերիների անհապաղ ազատ արձակում, հասցեական պատժամիջոցներ Ադրբեջանի նկատմամբ և արցախցիների վերադարձի իրավունքի իրացում։

Մանրամասները կարդացեք կայքում․ natnews.am/4373/

Բաքվում խախտվում են հայ գերիների իրավունքները․ Human Rights Watch-ը պահանջում է Կարմիր խաչի մուտքը

Human Rights Watch-ի ներկայացուցիչ Գեորգի Գոգիան անդրադարձել է Բաքվի բանտերում հայ պահվող անձանց իրավունքների խախտումներին։
Ռուբեն Վարդանյանն ու ևս 18 հայ գերիներ ահազանգում են ընտանիքների հետ կապի բացակայության, բժշկական սպասարկման մերժման և զբոսանքների սահմանափակման մասին։ Իրավիճակը կտրուկ վատթարացել է 2025-ի սեպտեմբերին Ադրբեջանում ՄԿԽԿ գրասենյակի փակումից հետո։
Հիշեցնենք, որ Բաքվում ապօրինաբար պահվում է 19 հայ, որոնց թվում են Արցախի ռազմաքաղաքական առաջնորդները։

Մանրամասները կարդացեք կայքում․natnews.am/4359/

Արցախցի 8000 ընտանիք վերցրել է սերտիֆիկատը, իրացրել է ընդամենը 4000-ը․ Գեղամ Ստեփանյան

ԱԺ-ում ընթացող քննարկման ժամանակ Արցախի ՄԻՊ Գեղամ Ստեփանյանը հայտարարել է, որ բնակապահովման ծրագրի սերտիֆիկատ ստացած 8000 ընտանիքներից միայն կեսն է կարողացել գույք ձեռք բերել։
Նրա խոսքով՝ վարձավճարների թռիչքային աճի ֆոնին պետական աջակցությունը չի բավարարում, իսկ առաջարկվող գումարով հնարավոր չէ համապատասխան բնակարան գտնել նույնիսկ Երևանին հարակից տարածքներում։

Մանրամասները կարդացեք կայքում․ natnews.am/4352/

Մարիամ Աբրահամյան․ ՔՊ-ականները լքել են ԱԺ-ում Արցախի հարցով լսումների դահլիճը

Ազգային ժողովում ընդդիմության կազմակերպած՝ բռնի տեղահանվածների խնդիրներին նվիրված լսումների ժամանակ իշխանության ներկայացուցիչները լքել են դահլիճը։ Պատճառը եղել է այն, որ ելույթ ունեցողներին ներկայացրել են իրենց պաշտոններով՝ Արցախի ՄԻՊ, պետնախարար, ԱԺ փոխնախագահ։
ՔՊ-ականները հայտարարել են, թե «միայն մեկ պետություն են ճանաչում» և չեն կարող մնալ այնտեղ։
Մարիամ Աբրահամյանն իր ֆեյսբուքյան էջում գրում է․ «Սովոր եք լսել միայն ձեր ձեռքը սեղմողներին ու ձեզ գոհունակություն հայտնողներին։ Ապրե՛ք, դե հիմա պարգևավճար կստանաք»։

Մանրամասները կարդացեք կայքում․natnews.am/4348/

Ալիևի հերթական հակահայկական մանիպուլյացիաները․ Բաքուն փորձում է շեղել ուշադրությունը էթնիկ զտումներից 

Իլհամ Ալիևը հայտարարել է, թե իբր հայկական կողմը «ոչնչացրել է 60 հազար հեկտար անտառ» և Քարվաճառն ու Բերձորը լքելիս «տարել է սանտեխնիկան»։ Բաքվի ղեկավարի այս էժանագին հեգնանքն ու ապատեղեկատվությունը նպատակ ունեն քողարկելու Արցախի ամբողջական հայաթափումը, էթնիկ զտումներն ու պատերազմից հետո ադրբեջանական վերահսկողության տակ անցած տարածքներում պարբերաբար բռնկվող խոշոր հրդեհների ու անտառահատումների փաստը։ 

Մանրամասները կարդացեք կայքում․ natnews.am/4329/