O‘zbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida Toshkent davlat yuridik universiteti Xalqaro huquq va qiyosiy huquqshunoslik fakulteti talabalari uchun “Ochiq eshiklar kuni” tashkil etildi.
Tadbir davomida talabalar Institutning asosiy faoliyat yo‘nalishlari, yuridik kadrlarni qayta tayyorlash va ularning malakasini oshirish bosqichlari hamda o‘quv jarayonida yaratilgan zamonaviy imkoniyatlar bilan tanishdi.
Talabalar uchun Institutning o‘quv auditoriyalari, kutubxonasi va axborot-resurs markazi, zamonaviy ta’lim infratuzilmasi hamda boshqa tarkibiy bo‘linmalari bo‘ylab ekskursiya tashkil etildi.
Tadbir doirasida o‘tkazilgan uchrashuvda yuridik sohada kasbiy rivojlanish, zamonaviy huquqshunos oldida turgan vazifalar, muntazam ravishda bilim va malakani oshirib borish hamda nazariy bilimlarni amaliyot bilan uyg‘unlashtirishning ahamiyati haqida fikr almashildi.
Ochiq muloqot davomida talabalar o‘zlarini qiziqtirgan savollarga mutaxassislardan javob oldi.
Post #1958
1.47K
TDYU talabalari “Ochiq eshiklar kuni”da ishtirok etdi