TDYU talabalari XII Global yosh parlament a’zolari konferensiyasida ishtirok etdi

Xabaringiz bor, Samarqand shahrida XII Global yosh parlament a’zolari konferensiyasi bo‘lib o‘tdi.

Nufuzli xalqaro anjumanda Toshkent davlat yuridik universiteti talabalari ham faol ishtirok etdi.

Konferensiya doirasidagi ko‘rgazmada Toshkent davlat yuridik universiteti va O‘zbekiston Respublikasi Adliya vazirligi hamkorligida yaratilgan “Huquq maktabi” platformasi xalqaro auditoriyaga taqdim etildi.

Qayd etilganidek, “Huquq maktabi” zamonaviy raqamli texnologiyalar asosida aholining huquqiy savodxonligini oshirish, huquqiy bilimlarni keng ommalashtirish hamda fuqarolar uchun huquqiy ta’lim olishning qulay imkoniyatlarini yaratishga xizmat qiluvchi platformadir.

TDYU talabalarining xalqaro anjumanda ishtiroki va “Huquq maktabi” platformasining xalqaro konferensiyada namoyish etilishi universitetimizda yaratilayotgan innovatsion loyihalarni global maydonda tanitish, raqamli huquqiy ta’limni rivojlantirish va yoshlarning ilg‘or tashabbuslarini qo‘llab-quvvatlash yo‘lidagi muhim qadam bo‘ldi.