Zangiota tumanidagi 1-sonli jazoni ijro etish koloniyasida “Giyohvandlikning oldini olish va uning salbiy oqibatlari” mavzusida seminar-trening tashkil etildi.
Toshkent davlat yuridik universiteti hamda O‘zbekiston Respublikasi Yoshlar ishlari agentligi hamkorligida o‘tkazilgan tadbirni TDYU xodimlari Charos Oripova, Diyora Eshquvatova, Ashrafxon Mannonov hamda Sunnat Panjiyev olib bordi.
Trening davomida ishtirokchilarga giyohvandlikning inson salomatligiga zararli ta’siri, uning shaxs, oila va jamiyat hayotida yuzaga keltiradigan salbiy oqibatlari, giyohvandlikning oldini olish choralari, zararli odatlardan voz kechishning ahamiyati hamda sog‘lom turmush tarziga amal qilish masalalari yuzasidan tushuntirishlar berildi.
Tadbir yakunida ishtirokchilarni qiziqtirgan savollarga javoblar berildi.
Post #1924
1.3K
TDYU xodimlari giyohvandlikning oldini olish bo‘yicha trening o‘tkazdi