Суполка беларускіх пісьменнікаў

⭐️ "Соль зямлі" ў Беластоку

Сёння, 15 кастрычніка, у беларускім хабе «Новая зямля» ў Беластоку адбудзецца сустрэча з Паўлам Севярынцам.👍

Падчас яе пройдзе прэзентацыя новай кнігі «Соль зямлі» — зборніка з 12 беларускіх віктарын: па 33 пытанні ў тэмах «Беларусь», «Навука», «Літаратура», «Мастацтва», «Архітэктура», «Музыка», «Кіно», «Спорт», «Геаграфія», «Эканоміка», «Палітыка» і «Біблія».🔥🔥🔥

❗️Пачатак а 19:00
❗️Уваход вольны

#анонс

📚 Новыя беларускія кнігі

📗 Восенню ў выдавецтве "INEXKULT" выйдзе кніга “Стрэл… Аляксей Стрэльнікаў. Галасы, тэксты, успаміны”. Яна складаецца з тэкстаў тэатральнага крытыка і тэатразнаўцы Аляксея Стрэльнікава (1983-2022), а таксама ўспамінаў блізкіх, урыўкаў ліставання і пастоў з сацсетак.
👉 Дэталі тут

📘 "Беларуская навука” запусціла новы праект “Беларуская класіка”. Першай кнігай сталі “Выбраныя творы. Аповесці, апавяданні, разделы рамана” Янкі Маўра.
Гэта першае навукова каментаванае выданне творчай спадчыны Я. Маўра. У кнігу ўвайшлі аповесці «Чалавек ідзе», «Сын вады», «Палескія рабінзоны», аўтабіяграфічная аповесць «Шлях з цемры», апавяданні, а таксама раздзелы няскончанага рамана «Дзяўчына-маці», другая частка якога публікуецца ўпершыню.

📕 Выйшаў зборнік апавяданняў Уладзіслава Наважылава пра жыццё пасля зняволення і эміграцыі, памяць, адчужэнне і спробу зноў адчуць сябе часткай рэальнасці з назвай “Непрытомнасць”.

👉 Шукайце ў незалежных распаўсюднікаў.

#палічка

⭐️ ХХХІ Гарэцкія чытанні

"Гарэцкія чытанні. Код роду і літаратурная спадчына" - міжнародная навукова-практычная канферэнцыя з такой назвай пройдзе 22 кастрычніка ў Дзяржаўным музеі гісторыі беларускай літаратуры. Яна будзе прысвечаная жыццю і творчасці класіка беларускай літаратуры М.І.Гарэцкага і прадстаўнікоў роду Гарэцкіх. 👍👍👍

Удзельнікі: літаратуразнаўцы, мовазнаўцы, гісторыкі, архівісты, культуролагі, музейныя супрацоўнікі, краязнаўцы, выкладчыкі ВНУ і супрацоўнікі навукова-даследчых устаноў.🔥🔥🔥
 
Па выніках работы канферэнцыі плануецца выданне зборніка артыкулаў у І-м квартале 2027 г.👍👍👍

❗️Адкрыццё канферэнцыі – 10:00.
❗️❗️Музей запрашае зацікаўленых слухачоў.
 
#анонс

📙 "Традыцыйны светалад беларусаў" - том 5

Інстытут філасофіі НАН Беларусі выдаў заключны пяты том грунтоўнай калектыўнай працы "Традыцыйны светалад беларусаў" пад назвай "Каштоўнасці". 👍👍👍

👉 Усе пяць тамоў гэтага праекта (разам ці паасобку) шукайце ў сталічнай кнігарні "Акадэмкніга" па адрасе пр. Незалежнасці, 72.

#палічка

***
У сквэры імя падпольшчыка доктара Клумава
на бегавой дарожцы партызаніць вецер –
ад слова старт да слова фініш
мяце апалае лісьце.

Замятае сьвежыя надпісы на асфальце –
напэўна, каб захаваць ад дажджу
і непажаданых позіркаў.

Але ўсё роўна хутка зусім разьвіднее
і ў сквэр завітаюць камунальніцы й камунальнікі.
Яны будуць разграбаць лісьце і ўсё пабачаць.
Пабачаць, што ўначы
тут з фарбай блукала бяссоньне.
Пабачаць ня толькі дзе фініш, але і каму.

Віктар Жыбуль

#раптамверш

❗️"PRADMOVA" шукае валанцёраў

Фестываль інтэлектуальнай кнігі PRADMOVA шукае валанцёраў і валанцёрак для падтрымкі імпрэзаў у Вільні, Празе, Варшаве і Любліне.

❓Чым можна дапамагчы:
✔️ фота і відэа
✔️ сацыяльныя сеткі і медыя
✔️ праца на пляцоўцы
✔️ кніжны кірмаш
✔️ пераклад і моўная падтрымка
✔️ дзіцячая праграма
✔️ тэхніка і мантаж

👉 Калі вы можаце дапамагаць у любым з гэтых гарадоў, калі ласка, запоўніце форму.

#навіны

⭐️ Нумар-альманах "Роднага слова" да 135-годдзя Максіма Багдановіча

У лістападзе, напярэдадні дня народзінаў паэта, выйдзе спецыяльны юбілейны выпуск «Роднага слова». 👍👍👍

❗️Аднак сёння часопісу вельмі патрэбная ваша сяброўская падтрымка, каб нумар пабачыў свет. Гэта можна зрабіць падпісаўшыся на выданне - лістападаўскі нумар-альмах (№ 11; да 27 кастрычніка), а таксама параіць яго сябрам, калегам.

❓Як можна падпісацца на "Роднае слова"?
👉 Падпіску можна аформіць у любым аддзяленні “Белпошты” і “Белсаюздруку”.

#анонс

⭐️ Прэмія Гедройця - фінал 7 лістапада

Літаратурная прэмія за лепшую празаічную кнігу будзе уручаная сёлета 7 лістапада ў Гданьску, дзе збяруцца беларуская і польская літаратурныя супольнасці – пісьменнікі, перакладчыкі, выдаўцы, рэцэнзенты і чытачы. Падзея не абмяжуецца адным толькі ўрачыстым абвяшчэннем пераможцы - на 6 і 7 лістапада запланаваная насычаная праграма: сустрэчы з аўтарамі, дыскусіі, а таксама кніжны кірмаш. 👍👍👍

Сярод іншага:
🔹 6 лістапада а 18-ай пройдзе творчы вечар паэта і выдаўца Дзмітрыя Строцава.
🔹 7 лістапада 12-ай стартуе кніжны кірмаш, а 14:00 пройдзе дыскусія "Чаго хочуць пісьменніцы", у 17:10 аўтарская сустрэча з Арцёмам Шуканавым.
🔹 У 19:00 распачнецца 15-я ўрачыстая цырымонія прэміі імя Ежы Гедройця.

#анонс

⭐️ "Ноч расстраляных паэтаў"

Пачынаецца падрыхтоўка да традыцыйнага ўшанавання трагічных падзей ночы з 29 на 30 кастрычніка 1937 года, калі былі растраляныя дзясяткі прадстаўнікоў творчай нацыянальнай інтэлегенцыі.

Вечарыны, што ладзяць неабякавыя беларусы штогод, пройдуць і сёлета ў розных гарадах і краінах.

Так у Літве ўшанаванне памяці і паэтычныя чытанні пройдуць 29 кастрычніка ў Вільні ў скверы ля “Музея акупацыі і барацьбы за свабоду” па адрасе: Aukų g. 2A.

❗️Пачатак а 19:30

#анонс

⭐️ "Жывіца" - беларускі фэст ва Уроцлаве

17-24 кастрычніка ва Уроцлаве пройдзе вялікі тыднёвы фестываль беларускай культуры "Жывіца".👍👍👍

Сярод іншага ў праграме запланаваныя і літаратурныя імпрэзы. Так, 17 кастрычніка а 15-ай, пройдзе аўтарская сустрэча і прэзентацыя кніг Уладзімера Някляева, а ў суботу 24 кастрычніка а 17-ай адбудзецца фінал польска-беларуска-украінскага конкурсу і паэтычны слэм.🔥🔥🔥

👉 Увесь расклад мерапрыемстваў на афішы.

#анонс

⭐️ Вечарына да 105-годдзя Веніяміна Блажэннага

15 кастрычніка спаўняецца 105 гадоў з дня нараджэння аднаго з самых незвычайных рускамоўных паэтаў Беларусі — Веніяміна Блажэннага.👍👍👍

У імпрэзе сумесна арганізванай Музем Максіма Багдановіча і творчай майстроўняй «Шафа Дэга» успаміны, гутарка і прагляд дакументальнай стужкі.🔥🔥

❗️Пачатак а 19.00.
👉 Адрас: вул. Максіма Багдановіча, 7а).
❗️Квіток — 20 рублёў

#анонс

⭐️ "Прадмова" у Вільні

16—18 кастрычніка пасля Ўроцлава фестываль інтэлектуальнай кнігі прыязджае ў Вільню, якая стане другім горадам, што прыме ў сябе падзею сёлета.👍👍👍

Асноўныя імпрэзы фестывалю пройдуць у Доме нацыянальных супольнасцей па адрасе Raugyklos g. 25, а дзіцячыя імпрэзы - на базе праекта “Беларуская школка ў Вільні” (Vilniaus, 20).🔥🔥🔥

Удзел у імпрэзах фестывалю возьмуць: Аляксей Дзікавіцкі, Дзмітрый Строцаў, Алена Глухава, Югася Каляда, Сяргей Шупа, Андрэй Янушкевіч, Ірына Раманава, Андрэй Скурко, Наста Карнацкая, Сяргей Дубавец, Ванда Марцінш душ Рэйш, Сяргей Харэўскі і іншыя.👍👍👍

👉 Поўная праграма тут

#анонс

🎧 Літаратурныя зацемкі

У новым выпуску аўтарскага падкаста “Літаратурныя зацемкі” Сяргей Дубавец чытае ўспаміны беларускай і літоўскай германісткі, публіцысткі, літаратаркі і перакладніцы Галіны Войцік (1927—2007) “Там, дзе мяне няма”. Галіна Войцік была актывісткай беларускай супольнасці ў Вільні, даследчыцай і аўтаркай партрэтаў беларусаў Віленшчыны. 👍👍👍

👉 Слухаць тут

#аўдыё

***
Колькі ні прайшоў дарог і сцежак,
Колькі пералескаў не схадзіў,
Як зямной красой душу ня ўсцешыў,
А не разгадаў адвечных дзіў.

Ці каля Дзвіны,
Ці каля Піны,
Дзе чакаюць шчасцця землякі,
Шэпчуць аб нязведаным яліны,
І маўчаць аб вечным лазьнякі.

Берагуць яны дасюль сакрэты,
Ад чаго
Праз доўгія вякі,
Роднасццю,
Лагоднасццю сагрэты,
Кожны кут тут дарагі такі.
Чым ён непаўторны і бясцэнны
Што здалёк
Да сосен і кляноў,
Да бацькоўскай хаты пяцісценнай
Кліча нас спяшацца зноў і зноў...

І я зноў
З надзеяй і трывогай
Крочу па загадкавай зямлі...
Толькі б не канчалася дарога.
Толькі б дзівы дзіўныя жылі...

Генадзь Бураўкін

#раптамверш

⭐️ "Круг" - водгукі

Прапануем пазнаёміцца з першымі водгукамі з пляцоўкі "Новыя беларускія кнігі" на кнігу Алеся Пашкевіча "Круг", прысвечаную жыццю і творчаму шляху паэта Уладзіміра Дубоўкі .👍👍👍

"Што да самога рамана, дык было сказана не мной, то паўтару: Алесь Пашкевіч вывеў беларускую дакументальна-біяграфічную прозу на новы ўзровень. Сінтэз шыкоўных архіўных даных, дакладных фактаў, дакументаў і мастацкага увасаблення асобных эпізодаў з жыцця героя стварае неверагодна захапляльную, цікавую і – праўдзівую карціну."
Валер Гапееў

"Круг” і “Цясляр волі” – проста ўзор (як для мяне) белетрызаваных біяграфій. Сціслыя, чытэльныя, напісаныя з выдатным веданнем багатага фактаграфічнага матэрыялу. “Круг” выйшаў ужо другім выданнем, але пры сённяшніх ледзь не скарынаўскіх накладах варта паспяшацца з набыццём..."
Міхась Скобла

👉 Чытаць тут

#лонгрыд

⭐️ Аркадзь Смоліч і Максім Багдановіч - выстава

Днямі ў Літаратурным музеі Максіма Багдановіча пачала працу выстава пад назвай “Багдановіч і Смоліч – два погляды на Беларусь”.👍👍👍

Асноўная частка экспазіцыі распавядае пра навуковую працу Смоліча - навукоўцы, географа, эканаміста, картографа, аднаго са стваральнікаў Акадэміі навук Беларусі, аўтара першай “Геаграфіі Беларусі, з дня нараджэння якога сёлета спаўняецца 135 гадоў. На выставе можна ўбачыць яго дакументы, карты, схемы, рукапісы і фотаматэрыялы. 🔥🔥🔥

Другая частка выставы прысвечана сяброўству Смоліча і Багдановіча. Сустрэча двух гэтых маладых людзей, народжаных у адзін год, стала сімвалічнай: адзін бачыў Беларусь праз прызму слова і паэзіі, другі — праз лічбу, карту і навуковы аналіз.👍👍👍

Выстава працуе да 15 снежня 2026 года.

❗️Уваход вольны.
👉 Адрас: вул. М.Багдановіча, 7А

#анонс

⭐️ Разанаў па-літоўску

Вядомая літоўская перакладчыца Альма Лапінскене распавяла аб планах на наступны год выдаць кнігу літоўскіх перакладаў "Зномаў" Алеся Разанава.👍👍👍

Раней перакладчыца перастварыла і выдала на літоўскай мове тры кнігі Алеся Разанава «Паляванне ў райскай даліне», «Падарунак хроснай маці», «Словы аціхлі: у немату стукае сэрца». 🔥🔥🔥

Апошняя з іх выйшла ў 2022 годзе да 75-годдзя з дня нараджэння паэта. Калі ўсё атрымаецца, то новаякніга перакладаў стане падарункам літоўскім чытачам да 80-годдзя Алеся Разанава, што будзе адзначацца ў наступным годзе.👍👍👍

#навіны

📚 Новыя беларускія кнігі

📗 У Варшаве выйшаў трынаццаты том з серыі “Даследаванні і матэрыялы” прафесара Міколы Хаўстовіча. Новы том прысвечаны гісторыі і тэксталогіі беларускае літаратуры XVIII–XIX стст. У ім даследуюцца: беларуская калядка XVIII ст., лісты Яна Чачота з высылкі, раннія версіі паэмы “Тарас”, а таксама нядаўна выяўлены верш Вярыгі-Дарэўскага.

📘 Выдавецтва "RozUM.Media" аннасавала выхад па-беларуску кнігі “Спадар Брэхт і поспех” партугальскага пісьменніка Гансалу М. Таварэша.

📕 Таксама неўзабаве выйдзе беларускі пераклад сусветнага бестсэлера для семейнага чытання нарвежскай аўтаркі і ілюстратаркі Крыстын Рушыфтэ - кнігі, што ўяўляе з сябе своеасаблівую ілюстраваную гісторыю чалавецтва - “Усе мы лічымся”.

#анонс