Erkinjon Turdimov bosh vazirning birinchi o‘rinbosari – ta’lim va ilm-fan vaziri etib tayinlandi. Saida Mirziyoyeva sohadagi vazifalar ijrosini nazorat qiladi
 
Prezident farmoni bilan, Turdimov Erkinjon Oqbutayevich O‘zbekiston Respublikasi bosh vazirining birinchi o‘rinbosari – ta’lim va ilm-fan vaziri lavozimiga tayinlandi va shu munosabat bilan Sirdaryo viloyati hokimi lavozimidan ozod etildi. Uning vazirlikka nomzodi Qonunchilik palatasi deputatlari tomonidan ma’qullandi.
 
Prezident matbuot kotibi Sherzod Asadovning ma’lum qilishicha, bosh vazirning birinchi o‘rinbosari – ta’lim va ilm-fan vaziri ijro organlarining ta’lim, ilm-fan va sog‘liqni saqlash sohalaridagi faoliyatiga umumiy rahbarlik qiladi va ularni muvofiqlashtiradi.
 
Bu yo‘nalishlar ijrosini nazorat qilish va tashkil qilish Prezident administratsiyasi rahbari S.Mirziyoyeva zimmasiga yuklandi.

👉 https://kun.uz/uz/27425793

Kun.uz rasmiy kanali