🖼 У Мастацкай галерэі імя Б.У. Аракчэева ў Крупках пачынае працаваць выстава маляваных дываноў з калекцыі Гісторыка-культурнага музея-запаведніка «Заслаўе».

— Маляванкі — гэта сапраўдная культурная спадчына нашай краіны, — падкрэслілі ва ўстанове. — Імі здаўна ўпрыгожвалі сялянскія хаты, і кожны такі дыван быў не проста прадметам быта, а сапраўдным творам мастацтва.

Яны дапамагалі ствараць цёплую, утульную атмасферу ў доме і адлюстроўвалі мастацкі погляд таго часу.

📌 У экспазіцыі — маляванкі розных аўтараў, якія былі створаны ў 30—50‑х гадах ХХ стагоддзя. Асаблівую ўвагу заслугоўваюць творы вядомага беларускага мастака Язэпа Драздовіча.

📍 Крупкі, вул. Савецкая, 2

🗓 З 13 кастрычніка па 28 лістапада

🏛 Сачыце за навінамі разам з газетай «Культура» і часопісам «Мастацтва».