“Neftgaz ishi va ularni qayta ishlash texnologiyasi” kafedrasi magistrantlari Uzbekistan GTL zavodida faoliyat yuritayotgan Amerika Qoʻshma Shtatlarining “Air Products” kompaniyasida boʻldilar.
Magistrantlar kompaniyaning ishlab chiqarish faoliyati, zamonaviy texnologik jarayonlari, sanoat uskunalari hamda ishlab chiqarish infratuzilmasi bilan yaqindan tanishdilar.
Kompaniya mutaxassislari tomonidan magistrantlarga sanoat gazlarini ishlab chiqarish va yetkazib berish texnologiyalari, texnologik qurilmalarning ishlash tamoyillari, ishlab chiqarish jarayonlarini boshqarish hamda sanoat xavfsizligi talablari yuzasidan maʼlumotlar berildi.
Mazkur jarayon magistrantlarning nazariy bilimlarini amaliyot bilan mustahkamlash, kasbiy kompetensiyalarini rivojlantirish hamda neft-gaz sanoatidagi zamonaviy texnologiyalar va xalqaro ishlab chiqarish tajribasini oʻrganishda muhim ahamiyat kasb etdi.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️