Rektor Sherzod Ne’matov Raqamli texnologiyalar va sun’iy intellekt fakultetidagi 8-son talabalar turar joyidagi yoshlar holidan xabar oldi.
Prorektorlar va universitet profilaktika inspektorlari ishtirokida talabalar turar joyida yaratilgan shart-sharoitlar, xonalar harorati, oshxona, dars qilish va dam olish xonalarining holati ko‘zdan kechirildi.
Oliygoh rahbari talabalar bilan samimiy suhbatlashib, ularning yashash sharoitlari, darsdan bo‘sh vaqtlarini qanday tashkil etayotgani, shuningdek, taklif va muammolari bilan qiziqdi. Ayniqsa, talabalarning sun’iy intellekt va raqamli texnologiyalar bo‘yicha amaliy loyihalari, startap g‘oyalari hamda ularni qo‘llab-quvvatlash masalalariga alohida to‘xtalib o‘tildi.
Suhbat jarayonida yoshlarning internet tarmog‘idan unumli foydalanishi, kitobxonlik va sport bilan shug‘ullanishi uchun qulay muhitni yanada kengaytirish bo‘yicha mas’ullarga tegishli tavsiya va ko‘rsatmalar berildi.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️