Bugun universitet rektori Sherzod Ne’matov xorijiy til bo‘yicha o‘tilayotgan dars jarayonini kuzatdi.
O‘rganish davomida auditoriyalardagi ta’lim muhiti, darsning zamonaviy interfaol metodlar asosida tashkil etilishi hamda “Xorijiy tillar” kafedrasi o‘qituvchisi Shohista Qarshiyevaning kasbiy mahoratiga alohida e’tibor qaratildi.
Rektor mashg‘ulot jarayoniga xalaqit bermagan holda, yoshlarning til o‘rganishga bo‘lgan qiziqishi va ularning mashg‘ulotlardagi faolligini bevosita tahlil qildi.
Darsdan so‘ng talabalar bilan samimiy muloqot o‘tkazildi. Bugungi global davrda iqtisodiyot, muhandislik va texnika yo‘nalishlari uchun xorijiy tillarni mukammal egallash, xalqaro ilmiy adabiyotlardan erkin foydalanish va xalqaro almashinuv dasturlarida ishtirok etish muhim ahamiyat kasb etishi ta’kidlandi.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️