Qo‘qon davlat universitetida ta’lim sifatini xalqaro standartlar darajasiga olib chiqish, zamonaviy o‘quv dasturlarini joriy etish va global ilmiy makonda munosib o‘rin egallash borasidagi amaliy ishlarning navbatdagi muhim samarasi eʼtirof etildi.
Muhandislik, informatika, tabiiy fanlar va matematika ta’lim yo‘nalishlarini xalqaro baholashga ixtisoslashgan Germaniyaning nufuzli ASIIN (Accreditation Agency for Degree Programmes in Engineering, Informatics, Natural Sciences and Mathematics) agentligi tomonidan universitetimizning quyidagi ta’lim yo‘nalish va mutaxassisliklari rasman xalqaro akkreditatsiyadan o‘tdi:
Bakalavriat yo‘nalishlari:
60530100 – Kimyo
60510100 – Biologiya
Magistratura mutaxassisliklari:
70530104 – Aniq va tabiiy fanlarni o‘qitish metodikasi (kimyo)
70510105 – Aniq va tabiiy fanlarni o‘qitish metodikasi (biologiya)
Mazkur e’tirof ta’lim sifati va o‘quv rejalarining Yevropa standartlariga to‘liq mosligini tasdiqlab, bitiruvchilarimizga jahon mehnat bozori hamda nufuzli xorijiy oliygohlar eshiklarini ochadi, shuningdek, talaba va professor-o‘qituvchilar uchun xalqaro akademik almashinuv imkoniyatlarini yanada kengaytiradi.
Universitetimiz jamoasi, barcha professor-o‘qituvchilar, talabalar va magistrantlarni ushbu nufuzli yutuq bilan muborakbod etamiz!
Bizdan uzoqlashmang
Facebook | Instagram | YouTube