🗣Қазақстанда қыркүйек айының соңғы жексенбісінде Еңбек күні атап өтіледі. Осыған орай ҚМГ мұнай-газ саласында еңбегімен үлгі болып, «Адал адам – Адал еңбек – Адал табыс» қағидатын ісімен танытып жүрген жұмысшы мамандар туралы бейнероликтер топтамасын жариялауды жалғастырады.
▪️Тәуірбай Шалабаев – «Қаражанбасмұнай» АҚ №1 мұнай өндіру цехының 6-дәрежелі мұнай және газ өндіру операторы.
▪️Ол Қаражанбас кен орнында 24 жылдан бері еңбек етіп келеді. Қызметін мұнай өндіру цехында слесарь-жөндеуші болып бастаған.
⬇️ Тәуірбай Ізғалиұлы күн сайын көлікпен 40-тан астам ұңғыманы қадағалап, олардың белгіленген технологиялық режимде жұмыс істеуіне мән береді. Өндірістегі кез келген өзгерісті дер кезінде байқап, қажет жағдайда тиісті шара қабылдау – оның күнделікті міндетінің бір бөлігі.
✅Мұндай жұмыста көп жылғы тәжірибе мен кәсіби біліммен қатар, ұқыптылық пен жауапкершіліктің маңызы зор.
— Кейде кен орынды жаяу аралап, күніне 20-25 ұңғыманы тексеремін. Далада еңбек ету оңай емес. Бірақ жұмыс болған соң, оның қиындығына да көну керек. Өйткені әр істің өз жауапкершілігі бар. Осының арқасында отбасымды асырап, бала-шағамды өсіріп отырмын, — дейді ол.
Біз әрбір қызметкердің адал еңбегін қадірлейміз, олардың маңдай терін мақтан етеміз.
📱 ҚазМұнайГаз