На карпаратыўную пошту выдання «Позірк», дзе я працую, прыйшоў электронны ліст з нецэнзурнай пагрозай фізічна расправіцца са мной.

Невядомы аўтар скарыстаўся сэрвісам Atomic Mail, які не паказвае атрымальніку IP-адрас адпраўніка.

У лісце паведамляюць, што мне трындзец (змякчаю выраз), і раяць павесіцца самому.

На ўсякі выпадак паведамляю: такога намеру ў мяне няма. І адмаўляцца ад крытыкі пэўных персон і з'яў я таксама не збіраюся.