Душанбе мизбони чорабиниҳои байналмилалӣ дар соҳаи алоқа ва рақамикунонӣ мешавад
📍 29–30 сентябри соли 2026 дар Душанбе маҷмуи чорабиниҳои байналмилалӣ оид ба рушди ҳамкориҳои минтақавӣ дар соҳаи алоқа, рақамикунонӣ ва технологияҳои иттилоотӣ баргузор мешаванд.
Дар доираи он Форуми минтақавии Иттиҳоди байналмилалии алоқаи барқӣ (ITU) оид ба рушд барои минтақаи ИДМ, ҷаласаи муштараки Шурои сарони маъмурияти алоқаи Иттиҳоди минтақавӣ дар соҳаи алоқа (RCC) ва Шурои ҳамоҳангсози давлатҳои иштирокчии ИДМ баргузор мегардад.
Дар меҳвари баррасӣ — рушди зерсохтори телекоммуникатсионӣ, рақамикунонӣ, технологияҳои инноватсионӣ, амнияти киберӣ ва устувории шабакаҳои телекоммуникатсионӣ қарор хоҳанд дошт.
Дар чорабиниҳо роҳбарони ниҳодҳои соҳавии давлатҳои узви ИДМ иштирок намуда, масъалаҳои мубрами рӯзномаи рақамӣ ва дурнамои ҳамкориҳои минтақавиро баррасӣ хоҳанд кард.
#Тоҷикистон #Душанбе #Алоқа #Рақамикунонӣ #Технология #ITU #RCC #ИДМ #ҲамкорииМинтақавӣ #АмниятиКиберӣ