💿 Windows 11'ni o‘rnatishdagi cheklovlarni chetlab o‘tish (2-usul)
Microsoft Windows 11 uchun qo‘llab-quvvatlanuvchi protsessorlar ro‘yxatini kengaytirib, qolgan talablarni o‘zgarishsiz qoldirdi. Bular qatoriga esa operativ xotiraning kamida 4 Gb hajmda bo‘lishi, UEFI'dagi faollashtirilgan Secure Boot funksiyasi va TPM 2.0 kriptografik modulining mavjudligi kabi talablar kiradi.
Windows 11'ni yuqorida sanab o‘tilgan cheklovlarni chetlab o‘tgan holda toza o‘rnatishni ko‘rib o‘tamiz. Dastlab yuklanuvchi USB-fleshkani Microsoft saytida taqdim etilgan rasmiy ISO obrazi va Buyruq satri (Командная строка), UltraISO dasturi yoki PowerShell yordamida tayyorlab oling.
❗️Microsoft saytiga ushbu havola bo‘yicha o‘tib, biroz pastroqqa tushib Download Windows 11 Disk Image (ISO) bandi ostidagi dastlabki ro‘yxatdan tizimning o‘zi (Windows 11), ikkinchisidan uning tili tanlanadi va tanlagan tilingizga ko‘ra, masalan, Windows 11 Russian yozuvi va ko‘k rangli 64-bit Download tugmasi paydo bo‘ladi, shu tugmasi bosish orqali 4.86 Gb hajmdagi ISO fayl yuklab olinadi.
Yuklanuvchi fleshka tayyor bo‘lganidan so‘ng o‘rnatish jarayonini boshlang va This PC can't run Windows 11 oynasi paydo bo‘lganida
SHIFT + F10 klavishlari birikmasini bosing. Командная строка (Buyruq satri) ishga tushiriladi. Unga regedit buyrug‘ini yuborib ENTER'ni bosish orqali Редактора реестра'ni ekranga chaqiring va ochilgan oynada HKLM\SYSTEM\Setup yo‘nalishi bo‘ylab o‘ting.Oynaning o‘ng tomonda joylashgan katta panelida quyidagi nomlar bilan 3 ta DWORD (32-bit) parametrini yarating: BypassTPMCheck, BypassRAMCheck va BypassSecureBootCheck. Har bir parametrga
1 qiymatini berib chiqing. Reyestr muharriri va konsol oynalarini yoping. O‘rnatuvchi dastur oynasida ortga qaytish strelkasini bosib, operatsion tizim nashrini qaytadan tanlang. Bu safar xatolik oynasi yuzaga kelmasligi lozim.📝 Manba: @pcTeapot
📌 1-usul bilan tanishib ko‘ring, unda Windows 10'dan 11'ga yangilanish paytida cheklovlarni chetlab o‘tish bo‘yicha maslahat ulashilgan.
ℹ️ Qo‘shimcha sifatida tanishish va foydalanish tavsiya etiladi:
• Windows 10'da ISO fayl virtual diskka qanday ulanadi?
• Toza Windows 10'ni o‘rnatish
• Operatsion tizim rukni ostidagi qolgan postlar ro‘yxati: 1-qism | 2-qism | 3-qism | 4-qism | 5-qism
👨🏻💻@itspecuz | Mundarija
