22-sentabr kuni Startup & Venture Summit doirasida oltita texnologik startapga investitsiya cheklari topshirildi. Bigmart, ORA, Layf, Q.Watt va UrbanDrive IT Park Ventures investitsiyasini oldi, Tezbor esa Digital Startups 1+1 dasturi doirasida moliyalashtirildi.
🚀 Investitsiyalar korporativ xaridlar, marketing texnologiyalari, e-commerce, avtomobil bozori va logistika yo‘nalishlaridagi loyihalarni qamrab oldi.
💰 Bigmart — $100 ming
B2B korporativ xaridlar marketplace’i. Platformada 40 mingdan ortiq mahsulot mavjud. Investitsiya mahsulotni rivojlantirish, savdo jamoasini kengaytirish va AI-assistentni joriy etishga yo‘naltiriladi.
🤖 ORA — $150 ming
Brendlar uchun influencer va UGC-kampaniyalarni avtomatlashtiruvchi AI-platforma. ORA tarmog‘ida 30 mingdan ortiq kontent yaratuvchi bor. Bundan tashqari, loyiha IT Park Ventures ko‘magida mahalliy venchur fonddan yana $50 ming jalb qilgan.
🛒 Layf — $100 ming
Markaziy Osiyo va Kavkazda internet-do‘konlar, yetkazish xizmatlari va superapp’larni ishga tushirish uchun platforma. Layf avval ham Digital Startup Awards doirasida $50 ming SAFE-investitsiya olgan, shuningdek, yana $50 ming mahalliy venchur investitsiyasini jalb qilgan.
⚡ Q.Watt — investitsiya summasi oshkor etilmagan
O‘zbekistondagi powerbank sharing bozorining yirik tarmoqlaridan biri. Hozirda xizmat 4 900 dan ortiq stansiya, 97 ming oylik faol foydalanuvchi va 1 500 velosipedga ega.
🚗 UrbanDrive — $100 ming
Avtomobil sotib olish va sotish jarayonini raqamlashtiruvchi platforma. Bundan tashqari, Yoshlar Ventures ham UrbanDrive’ga $100 ming investitsiya kiritgan.
📦 Tezbor — $100 ming
AI asosidagi logistika platformasi. Investitsiya Digital Startups 1+1 dasturi doirasida berildi. Tezbor 500 dan ortiq mijoz bilan ishlaydi va O‘zbekiston, Qozog‘iston hamda Daniyada faoliyat yuritadi.
🌎 Yangi investitsiyalar startaplarning mahsulotlarini rivojlantirish, jamoalarni kengaytirish va mahalliy bozordan mintaqaviy hamda xalqaro masshtablashga o‘tishini qo‘llab-quvvatlaydi.
🔥 Jonli efirga o‘tish
✨ #ICTWEEK2026 | 🧭 Startup Base bilan voqealar markazida bo‘ling.
@startupbaseuz
LinkedIn | Facebook | Instagram | Website