ICT WEEK Uzbekistan 2026 doirasida IT Park Uzbekistan va Amsterdamda joylashgan Upvisor Global xalqaro konsalting kompaniyasi vakillari o‘rtasida uchrashuv bo‘lib o‘tdi.
👥 Uchrashuvda IT Park Uzbekistan tomonidan Startap ekotizimini rivojlantirish bo‘yicha direktor Farrux Erkinov, Upvisor Global tomonidan esa kompaniya asoschisi va CEO’si Gernot Shvendtner ishtirok etdi.
Tomonlar o‘zbek startaplari va IT-kompaniyalari uchun Yevropa bozoriga chiqish dasturini ishlab chiqish, bozor tanlash, mijozlar ehtiyojini aniqlash va bozorga chiqish strategiyalarini shakllantirish bo‘yicha hamkorlik imkoniyatlarini muhokama qildi.
🌍 Upvisor Global 2017-yildan buyon startap va tez o‘sayotgan kompaniyalarga (scale-ups) xalqaro bozorlarga chiqishda yordam berib keladi. Kompaniya 400+ xalqaro ekspansiya loyihasida ishtirok etgan va 355+ founder bilan ishlagan.
Muzokaralarda Yevropadagi korporatsiyalar, potensial mijozlar, investorlar va ekotizim vakillari bilan B2B uchrashuvlar va tanishtiruvlar tashkil etish masalalari ham ko‘rib chiqildi.
🤝 Tomonlar, shuningdek, xalqaro ekspansiya va bozorga kirish bo‘yicha hamkorlikni mustahkamlash uchun Anglashuv memorandumi (MoU) imzoladi.
@startupbaseuz
LinkedIn | Facebook | Instagram | Website