Вітаем, сябры! 🤗

У нядзелю завяршыўся Варшаўскі кніжны кірмаш — некалькі дзён, поўных жывых сустрэч, новых знаёмстваў, важных размоў і, вядома ж, мноства кніг!

Гэта было натхняльна і радасна — бачыць столькі зацікаўленасці да беларускай літаратуры і культуры.

🙏🏼 Асабліва дзякуем усім, хто дапамагаў у падрыхтоўцы стэнда і працаваў разам падчас кірмашу!

❤️ Дзякуй Аляксандры Гушча («Жыве_тэка») — за супрацу, падтрымку і прысутнасць.

❤️ Фонду Revival — і асабіста Аліне Коўшык і Юліі Катаржынскай — за арганізацыйную падтрымку.

❤️ А таксама — выдавецтву «Гутэнберг» за дапамогу з дызайнам, які зрабіў наш стэнд візуальна прывабным і адметным ✨

🙌🏼 Дзякуем усім, хто быў побач, хто ўкладаў свае сілы, час і душу — разам нам удалося зрабіць сапраўды важную справу і годна прэзентаваць беларускую кнігу!

Да новых сустрэч, і - да чытання!