Вітаем, сябры! Сёння раскажам пра 2 беларускія імпрэзы ў агульнай праграме Варшаўскага кніжнага кірмаша.

📌 Калі: 17 траўня, субота
📌 Дзе: Форум у Мікольскай залі (Палац культуры і навукі)

🔴 17.00-17.50

Прэзентацыя і аўтарская сустрэча з Аляксандрам Карнаўхам, аўтарам рамана "Халодныя землі” (Gutenberg Publisher).

Аляксандр Карнаўх — беларус, які цяпер жыве ў Італіі, фізік па адукацыі. "Халодныя землі" - яго першая кніга. Гэта містычны дэтэктыў, падзеі якога адбываюцца ў Беларусі ў нашы часы. У старой валізе знайшлі манускрыпт, напісаны амаль забытым шрыфтам на незнаёмай мове. Расшыфроўка яго кідае герояў у вір напружаных пошукаў і нечаканых сустрэч.

🔴 18.00-18.50

«Па што ідзеш, воўча?» цяпер і па-польску: сустрэча з беларускай пісьменніцай Евай Вежнавец.

У лютым 2025 году ў выдавецтве KEW культавая беларуская кніга выйшла па-польску ў перакладзе Малгажаты Бухалік. У кнігі прыгожае графічнае афармленне Аляксандры Канарскай.

Размову з Евай Вежнавец вядзе Наталля Русецкая (UMCS).