📣 Ужо зусім хутка, 3-6 снежня, падчас 34 Міжнароднага кангрэса выдаўцоў будзе абвешчаны лаўрэат Прэміі Вальтэра-2024.
❗️Нагадваем, што на ўзнагароду прэтэндуе Андрэй Янушкевіч, вылучаны Міжнароднай асацыяцыяй выдаўцоў (IPA) па рэкамендацыі Інстытута беларускай кнігі.
Шчыра зычым Андрэю Янушкевічу перамогі! 🙌🙌🙌

Сёлетні шорт-ліст Прэміі Вальтэра (Prix Voltaire) паходзіць з рэгіёнаў, пацярпелых ад крызісаў, і ўвасабляе намаганні выдаўцоў па прасоўванні кніг і распаўсюдзе інфармацыі для прадухілення канфліктаў і ўмацавання міру, нават калі самі сутыкаюцца з надзвычайнай небяспекай, нагадвае Міжнародная асацыяцыя выдаўцоў (IPA), арганізатар прэміі.

IPA Prix Voltaire - гэта штогадовая прэмія ў памеры 10 000 швейцарскіх франкаў для выдаўцоў, якія падвяргаюць сябе рызыцы, прасоўваючы і абараняючы свабоду публікацыі. Яна названая ў гонар французскага філосафа і пісьменніка Франсуа-Мары Аруэ (вядомага пад псеўданімам Вольтэр), які шмат гадоў жыў у Жэневе і яе ваколіцах, прапагандуючы талерантнасць і свабоду выказвання.

🏆 У 2014 годзе прэмію атрымліваў выдавец Ігар Логвінаў.

Падрабязней пра Прэмію Вальтэра-2024 можна паглядзець тут:
👉 https://internationalpublishers.org/our-work/#prixvoltaire