⛔️ ҚАРАМА-ҚАРШИ ЙЎЛГА ЧИҚИШ ЁКИ «АВАРИЯ ҲОЛАТИ»: БУ ҚАНЧАГА ТУШАДИ? ⚖️🚗
Кўпчилик ҳайдовчилар йўлда шошилиб, «бирровга» қарама-қарши йўналишга (встречкага) чиқиб қайтади ёки кимнингдир йўлини кескин тўсиб, тормоз босишга мажбур қилади. Юридик тилда бу шунчаки «шошилиш» эмас, балки МЖтКнинг 128⁵-моддаси, 2-қисми билан тартибга солинадиган маъмурий ҳуқуқбузарликдир.
Қонун тилидан оддий тилга таржима қилганда, бу нима дегани? 🤔
1️⃣ «Встречка» — Қарама-қарши йўлга чиқиш 🛑
Йўл ҳаракати қоидаларини бузган ҳолда қарама-қарши ҳаракатланиш учун мўлжалланган бўлакка чиқиб кетиш (масалан, рухсат этилмаган жойда қувиб ўтиш ёки чизиқни босиш).
2️⃣ «Авария ҳолати» юзага келтириш ⚠️
Бу жуда муҳим қисм! Агар айбингиз билан бошқа бир ҳайдовчи:
· Тезлигини кескин пасайтиришга ёки тўхташга мажбур бўлса;
· Тўқнашувдан қочиш учун рулни кескин бошқа томонга буришга мажбур бўлса;
· Ўз хавфсизлигини сақлаш учун қандайдир фавқулодда чора кўрса — бу авария ҳолати деб баҳоланади. (Яъни, авария содир бўлиши шарт эмас, унга сабаб бўладиган вазият яратилишининг ўзи кифоя).
💸 Жаримаси
Мазкур ҳуқуқбузарлик учун базавий ҳисоблаш миқдорининг (БҲМ) 10 баравари миқдорида жарима белгиланган. Бу 4 400 000 сўм бўлади. Лекин ⏳ 15 кун ичида тўланса 50% чегирма берилади. Яъни, қарор топширилган кундан бошлаб 15 кун ичида жарима тўланганда 2200000 сўм тўланади.
Эслатма: Агар ушбу қоидабузарликни бир йил давомида такроран содир этсангиз ёки у ҳақиқий ЙТҲ (авария) билан тугаса, жазо анча оғирлашади (ҳайдовчилик ҳуқуқидан маҳрум қилишгача олиб бориши мумкин).
Йўлларда шошманг, бир неча сонияни тежайман деб ҳам пулингизни, ҳам ўзгалар ҳаётини хавфга қўйманг! 🚦
👉 Каналга аъзо бўлинг ва ҳуқуқий саводхонликни оширинг!
@Huquqiy_maslahat_Gaybullayev