#Uchrashuv #MilliyQadriyatlar #AyolQizlar

MA’NAVIYAT VA QADRIYATLAR — KAMOLOT POYDEVORI

📣Muhammad al-Xorazmiy nomidagi ixtisoslashtirilgan maktabda 15-oktabr kuni soat 11:00 da Respublika Ma’naviyat va ma’rifat markazi maslahatchisi, «Zulfiya» davlat mukofoti komissiyasi a’zosi Shermuhamedova Jamila Tashpulatovna ishtirokida maktab o‘quvchi qizlari bilan uchrashuv tashkil etiladi. Uchrashuv yoshlarning ma’naviy kamolotini qo‘llab-quvvatlash va dunyoqarashini kengaytirishga qaratilgan.

💬 Suhbat davomida milliy va oilaviy qadriyatlar, o‘ziga ishonch, mustaqil fikrlash hamda jamiyatda xotin-qizlarning o‘rni va faolligi kabi mavzular muhokama qilinadi. Shuningdek, o‘quvchi qizlar o‘z salohiyatini ro‘yobga chiqarish va kelajak maqsadlarini belgilash yuzasidan foydali tavsiyalar oladilar.

Bunday uchrashuvlar yoshlarning qalbida Vatanga muhabbat va ezgu maqsadlarga intilish tuyg‘ularini mustahkamlashda muhim ahamiyat kasb etadi. Bilimli, ma’naviyatli, o‘z fikri va qat’iy maqsadlariga ega qizlar — jamiyat taraqqiyoti va kelajak bunyodkorligining muhim tayanchidir. 🌷
_
🌐Telegram 🌐Facebook 🌐Instagram 🌐Web 🌐Youtube 🌐Linkedin