#UniversityFair #XalqaroImkoniyatlar

XALQARO UNIVERSITETLAR BILAN BIR MAYDONDA

🗓13-oktabr kuni Muhammad al-Xorazmiy nomidagi ixtisoslashtirilgan maktabda bitiruvchi va yuqori sinf o‘quvchilari uchun universitetlar yarmarkasi tashkil etildi. Ta’lim ko‘rgazmasida 🇦🇺 Avstraliya, 🇺🇸AQSH, 🇬🇧Buyuk Britaniya, 🇨🇦 Kanada, 🇭🇺Vengriya, 🇹🇷Turkiya, 🇩🇪 Germaniya va boshqa davlatlarning oliy ta’lim muassasalari vakillari ishtirok etib, o‘quvchilarga xalqaro ta’lim imkoniyatlari haqida ma’lumot berdilar.

💬 Yarmarka davomida o‘quvchilar universitetlarning ta’lim dasturlari, xalqaro abituriyentlar uchun qabul talablari, grant va stipendiya imkoniyatlari bilan tanishdilar. Oliy ta’lim muassasalari vakillari bilan bevosita muloqot qilish va o‘zlarini qiziqtirgan savollarga javob olish orqali xorijda tahsil olish hamda kelajakdagi akademik yo‘nalishlarini belgilash bo‘yicha muhim ma’lumotlarga ega bo‘ldilar.

🔝Mazkur ko‘rgazma o‘quvchilarning dunyo universitetlari haqidagi tasavvurlarini kengaytirish, ta’lim imkoniyatlarini o‘zaro taqqoslash va kelajakdagi maqsadlarini aniq belgilashlariga xizmat qildi.
_
🌐Telegram🌐Facebook🌐Instagram🌐Web🌐Youtube🌐Linkedin