#KelajakSoati #Vatanparvarlik #Birdamlik

YANGI HAFTA — EZGU QADRIYATLAR BILAN!

🇺🇿 Muhammad al-Xorazmiy nomidagi ixtisoslashtirilgan maktabda yangi o‘quv haftasi an’anaga muvofiq, dushanba kuni "Kelajak soati" fani va O‘zbekiston Respublikasi Davlat madhiyasini kuylash bilan boshlandi. Haftaning ilk daqiqalaridanoq madhiyamizni birgalikda ijro etish o‘quvchilarda Vatanga muhabbat, milliy qadriyatlarga hurmat va yurt taqdiriga daxldorlik tuyg‘ularini mustahkamlashga xizmat qiladi.

💫 "Kelajak soati" doirasida vatanparvarlik, birdamlik va shukronalik kabi muhim qadriyatlarga e’tibor qaratiladi. Bunday mashg‘ulotlar o‘quvchilarni Vatan ravnaqi uchun mas’uliyatni his etishga, o‘zaro hamjihatlikni qadrlashga, hayotdagi imkoniyatlar va ne’matlar uchun shukr qilishga undaydi. Shu bilan birga, yosh avlodning ma’naviy dunyosini boyitish va faol fuqarolik pozitsiyasini shakllantirishga ko‘maklashadi.

✨ Vatanga muhabbat, sadoqat va shukronalik — ezgu kelajak poydevori! Yangi o‘quv haftasi barchaga yangi bilimlar, yaxshi tashabbuslar va ulkan yutuqlar olib kelsin!
_
🌐Telegram 🌐Facebook 🌐Instagram 🌐Web 🌐Youtube 🌐Linkedin